DILI, STLNEWS.co – Dadaun nee Primeiru Ministru Taur Matan Ruak no Prezidente Republika Francisco Guterres Lu Olo, neebe halo hela vizita ba munisipiu, Rede Sosiedade Sivil (RSS) husu PR no PM fila mai tenke hato’o preokupasaun povu ba ministeriu relevante sira.
Kestaun nee hato’o husi Rede Sosiedade Sivil Munisipiu Ermera, Daniel Santos do Carmo katak, kestaun seriedade ida neebe PM no PR tenke toma responsabilidade maka follow up, bainhira rona preokupasaun husi komunidade tenke hatoo ba ministeriu relevante sira.
“Husi Vizita nee, PR no PM bainhira hala’o vizita fila husi munisipiu mai tenke hato’o preokupasaun hirak nee ba ministeriu relevante, no preokupasaun sira nee dezafia ministeriu relevante sira atu bele fo resposta,” dehan nia ba STL liu husi telefone, Kuarta nee (12/ 01/2022).
Nia dehan, tuir interpretasaun ema umanu nian katak, besik atu tama ba eleisaun PR no PM sira foin ba vizita populasaun, ida nee ema hotu – hotu bele halo interpretasaun negativa, kestaun politika bele dehan katak ba buka votu no simpatia.
(san)
