DILI, STLNEWS.co – Fundsaun Mahein (FM) husu ba Polisia Nasional Timor Leste (PNTL) liu husi Ekipa Departementu Investigasaun Kriminal (DIK), Servisu Nasional Intelejensia (SNI), halo kapturasaun ba autor, dadus tenki util ka lo-loos.
Lia hirak nee hatoo husi Diretor Ezekutivu Fundasaun Mahein (FM), Nelson Belo ba STL iha nia knaar fatin, Tersa nee (01/08/2023).
“Kapturasan hanesan nee kuaze akontese beibeik ona, autor balun kaptura sala no balun kaptura los, maibe nivel kapturasaun mak barak ona, entaun talves informasaun sira neebe PNTL hetan nee persiza avalia didiak, tanba nee ita husu dadus neebe intelejen fo nee tenki util no lo-loos,” nia hatete.
Nia dehan, la hatene dadus intelejen nee util ka lae, atu nunee PNTL bele hatene lo-loos, no halo kapturasaun ba autor nee labele sala.
“Ita husu para governu presiza halo avaliasaun para bele halo investimentu, investimentu iha area intelejensia ba area dadus sira nee, nomos ba area sira neebe ita presiza halo treinamentu,” nia esplika.
Nia koalia, sei familia ezije, entaun tenki halo investigasan foun para atu bele hatene katak, parte familia mak los ou Instutisaun PNTL mak los, atu nunee publiku mos hatene ida nee.
Iha fatin ketak, Akademista UNTL Jose Lino do Santos esplka, PNTL liu husi Ekipa Departementu Investigasaun Kriminal (DIK), Servisu Nasional Intelejensia (SNI), halao nia servisu nee los, maibe tenki ho dadus neebe ho lo-loos, atu nunee labele kaptura sala.
“Ita nia PNTL lao nia papel nee los ona, maibe tenki ho dadus neebe fortifikadu, laos ohin kaptura ema ida nee sala ona, aban mos akontese hanesan, bairua mos sei akontese hansan nee, ita hatudu ita la profisional,” nia deklara.
Nia informa, PNTL ezekuta mandadu detensaun husi tribunal hodi detein suspeitu ida ho insial HSM neebe deskonfia envolve iha kazu omidisiu oho matebian Isac Sinarai, maibe ohin familia halo konferensia imprensa laos nia mak outor, entaun PNTL tenki investigasaun foun atu nunee publiku mos hatene ida nee.
(jen)
