FM: Saudosu Mauhuno Nia Kontribuisaun Boot Ba Timor Leste

DILI, STLNEWS.co – Xefe Bankada Frente Mudansa (FM), deputada Isabel Ximenes hatete, Saudozu Jose Antonio Gomes da Costa alias Mauhuno Bulerek Karathayano ninia kontribuisaun boot ba nasaun doben Timor Leste.

Kestaun nee hato’o husi Xefe Bankada Frente Mudansa, liu husi deklarasaun politika iha PN, segunda nee (27/9/2021).

“Saudozu fo nia kontribuisaun boot desde nia hahu luta rezistensia, hahu husi tinan 1974 ate a data,” dehan nia.

Nia haktuir, mesmu ho kondisaun ne’ebé mak limitada, maibe sempre fo nia korajen, fo nia ezemplu diak ba joven no ba ita tomak.

Nia dehan, tan nee lori Bankada Frente Mudansa nia naran, hato’o sentidu kondolensia ba familia no dirijentes, militantes no simpatizantes Partidu CNRT tomak ba matebian Saudozo Mauhuno Bulerek Karthayano.

Nia hatutan, ita hotu husu ba Aman Maromak hodi bele simu saudozu iha nia kadunan Santu, honra no domin ne’ebé mak nia kuda hela ba familia sei moris nafatin, ba ema hotu ne’ebé mak triste, saudades ba familia sei moris rohan laek.

Iha fatin hanesan, Xefe Bankada Partidu Uniaun Demokratiku Timorense (UDT), deputadu Francisco David hatete, komandante Mauhuno Bulerek Karathayano hanesan heroi boot ida, ne’ebé mak dedika nia an tomak iha prosesu luta ba ukun an ida nee.

“Ita nia ukun an ida nee laos tau iha bandeza mak intrega ba ita, maibe mai husi heroi da patria ne’ebé mak lakon sira nia vida durante tinan 1975 mai to 1999,” tenik nia.

Nia hatutan, Mauhuno Bukar hanesan heroi boot ida nebe mak iha prinsipiu, ate ao fim nia taka nia matan fila ba Aman Maromak nia kadunan Santu.

Nia hakotu, ho ne’e Bankada UDT liu husi Diresaun Nasional Uniao Demokratiku Timorense, militantes, simpatizantes  iha Timor laran tomak, nomos iha diaspora, hato’o nia sentidu profunda ba familia enlutada .*

Reportajen: Domingas Soasres/EST

Editor: Crisogono Magalhães

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...