FMTL Konsidera Governu La Define Povu Nia Susar

DILI, STLNEWS.co – Relasiona ho loron traballador iha mundu tomak, Front Mahasiswa Timor-Leste (FMTL), husu ba governu no politiku atu responsabilidade ba hahalok politika obstakurantismu no kapasidade neebe atu asegura povu husi risku hamlaha neebe iha la define ho klaru.

Liu husi karta komunikadu imprensa neebe maka STL asesu iha Sabadu nee, iha dia 01 de Maiu hanesan loron mundial ba traballadores iha mundu tomak, espesial mos ba traballadores feto no mane iha Timor Leste ho nunee Front Mahasiswa Timor Leste hakarak alerta ba traballadores hotu iha teritoriu Timor Leste katak, hamutuk nafatin firme hodi ezizi direitu hanesan ema traballadores, tanba iha ema mak iha sidade, tanba iha ema mak iha dezenvolvimentu no tanba iha ema mak iha lojas, no industria lao ho diak iha estadu ida nia laran.

Aleinde nee mos traballador sai fator determinante ba iha estabilidade ekonomia iha rai laran, tanba iha traballador mak iha sirikulasaun ekonomia lao ho diak no ekonomia povu bele estavel nafatin iha merkadu ekonomiku, hodi asegura estadu atu labele sai estadu falladu tamba deit impaktu husi sirkulasaun produtus no atendimentu neebe mak laiha balansu iha merkadu.

“Front Mahasiswa Timor Leste husu nafatin responsabilidade governu no politiku sira tanba hahalok politika obskurantismu no kapasidade atu asegura nia povu husi risku hamlaha la define ho klaru. Maibe asegura deit mak interese grupu no partidaria, ka mais pior defende egoismu politiku hodi abandona povu tomak sofre no nunka atu tur hamutuk hodi fo liman ba malu. Tanba nee problema sira kona ba prezensa inserteza politika, Covid-19, inundasaun no hamlaha lolos laos situasaun ida nee defisil atu rezolve, maibe tanba egoismu no arogansia politika halo govenu no politiku sira halimar deit povu nia vida no tenke husik nafatin povu ida nee vitima ba bei-beik,” dehan portavoz FMTL Efifania da Silva liu husi karta Komunikadu Imprensa, Sabadu (01/05/2021).

Front Mahasiswa Timor Leste mos hakarak apela katak, desde tinan 2017 too mai agora, situasaun inserteza politika no prezensa pesti pendemia Covid-19, halo povu Timor Leste nia ekonomia monu no afeita ba rendimentu ekonomia loro-loron, too rejulta hamlaha iha fatin-fatin. Liu- liu povu ida nee terus tan kuandu impaktu dezastre iha munisipiu sira, udan rejulta inundasaun iha fatin-fatin halo komunidade, labarik no ferik katuas neebe lakon sira nia vida no hela fatin.

Haree husi situasaun sira nee, Front Mahasiswa Timor Leste senti triste tebes ba intervensaun governu Timor Leste neebe mak la estrateziku no lalais hodi kombate povu nia sofrementu iha tinan hirak nee nia laran, maibe aumenta tan deit naha todan boot ida iha povu nia kabas too agora, ho nunee situasaun agora laos deit inserteza politika maibe inserteza moris povu nian neebe nakonu ho perguntas tamba pratika politika obskurantismu neebe politiku sira explora durante tinan hirak nee nia laran.

“Atu harmoniza fila fali, establidade ekonomia povu nian mak governu tenke halo desizaun emidiata hodi hapara rezolusaun estadu emerjensia no serka satitaria no konfinamentu obrigatoriu. Tanba Front Mahasiswa Timor Leste nia haree prezensa Covid-19 iha Timor Leste sai deit kurtina ba ema politiku sira atu asegura poder politiku too ikus halo povu no traballador sira sai vitima,” dehan nia.

Nia esplika tan, Governu atravez liu husi SEPFOPE tenke hatun rejolusaun ida kona ba, selu traballadores sira neebe mak empregador sira hapara iha situasaun Covid-19, atu hetan sira nia direitu ho hanesan salariu, ba traballador sira neebe mak sira hapara husi empregador la ho rajaun.

Tanba nee FMTL husu mos ba Governu atu tulun ajensia sira iha Timor Leste neebe trata traballador sira neebe hakarak ba servisu iha rai liur sira hanesan Irlandia, Inglatera no fatin seluk atu bele lalais hetan dokumentu viazen, hodi ba servisu no ajuda ekonomia iha rai laran.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: