Fo Importansia Setor Infraestrutura, Sei Redus Dezempregu

DILI, STLNEWS.co – Governu tenke fo importansia ba setor infraestrutura iha rai laran, nunee bele kria hikas kampu traballu ba Timoroan sira, neebe lakon ona servisu durante impase politik no mai to’o Covid-19, tanba kompnia barak taka, vida traballador ameasadu no lakon servisu.

Kestaun nee fo sai husi Diretor Kompania Buka Rasik, Fernando Magno ba STL Sesta nee (01/10/2021) liu husi telefone.

“Liu husi orsamentu neebe iha, ami husu ba governu atu tau importansia ba setor infraestrutura iha rai laran, hahu husi baze to’o iha munisipiu, atu nunee bele kria fali kampu servisu ba joven sira neebe dezempregu, tanba durante impase mai to’o Covid-19, halo ema barak lakon servisu, hodi halo numeru dezempregu kontinua sae, nee duni dalan diak ba governu mak, tenke dezenvolve setor infraestrutura iha rai laran,” dehan Diretor nee.

Nia mos afirma liu tan katak, Orsamentu Jeral Estadu (OJE) tinan 2021 kuaze US$ 1.8 billoens, osan nee aloka ba setor infraestrutura mos iha, maibe tinan 2021 atu remata ona, projetu foun ida la lao iha rai laran, oinsa atu absolve servisu nain sira, hodi redus dezempregu iha rai laran, se governu la investe osan nee,  mak osan nee sei fila ba kofre estadu no numeru dezempregu sei la rezolve.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...