FONGTIL Lamenta Deputadu Hatete Sosiadade Sivil “Garganta”

DILI, STLNEWS.co – Forum ONG Timor-Leste (FONGTIL) lamenta ho deklarasaun deputadu balun iha midia neebe hatete sosiedade sivil “garganta”, tanba nee FONGTIL deklara katak sosiadade sivil koalia bazea ba faktus no realidade neebe iha.

Diretor Ezekutivu FONGTIL, Daniel Santos do Carmo hatete, liu husi oportunidade ida nee FONGTIL, organizasaun sosiedade sivil iha Timor-Leste ho respeita tomak hakarak hatoo saudasoens no aprestasaun profunda ba V legislatura PN no espesial ba distintu deputadu, Francisco de Vasconselho, Vise Presidente Komisaun A ho nia estrutura tomak.

“Se wainhira distintu deputadu dehan FONGTIL nee reprezenta ema “nain rua tolu deit” distintu deputadu agora dadaun assume hela knaar nudar Vise Prezidente Komisaun A, bele aprezenta proposta lei ba Parlamentu Nasional hodi taka NGO nia ezistensia iha Timor-Leste,” dehan Daniel, liu husi komunikadu imprensa neebe STL asesu iha loron, Kuarta, (26/05/2021).

Nia dehan, FONGTIL hakarak marka pozisaun ida katak, FONGTIL lamenta ho dektarasaun distintu deputadu nian iha midia katak sosiedade sivil “garganta”, FONGTIL deklara katak iha situasaun defisil neebe TL infrenta, ezije ita hotu atu tau forsa hamutuk hodi kontra inimigu invisivel refere. Laos atu deskridita malu, FONGTIL hanoin katak situasaun defisil ida nee, ezije nai Deputadu sira atu ativu halo nia papel ho diak no labele alerjia ho espresaun povu nian konaba insufisiente aihan, hamlaha, menus rendimentu, nudar impaktu husi medidas prevensaun neebe governu impoen hodi prevene Covid-19 labele daet ba ema seluk.

Diretor nee dehan, organizasaun Sosiedade Sivil iha Timor Leste, FONGTIL mos fo ninia kontribuisaun ba prosesu dezenvolvimentu nasional Timor-Leste, inklui estabelese ekipa sosiedade sivil ba apoiu governu hodi prevene Covid-19 iha Marsu 2020, wainhira Timor-Leste rejistu kazu ema ida pozitvu Covid-19.

Aleinde nee, FONGTIL mos fasilita dialogo entre organizasaun sosiedade sivil ho Governu hodi garante ezekusaun OJE iha setor produtivu, edukasaun, saude, agrikultura, no infrastrutura bazika para bele lori mudansa ba populasaun nia vida.

Nia sublina, wainhira TL infrenta cyclone tropical iha dia 4 – 5 Abril 2021 neebe rezulta ema barak lakon vida no lakon sira nia riku soin, FONGTIL ativamente kolabora ho governu Iiu husi Sekretariu Estadu Protesaun Sivil (SEPS) hodi responde ba vitima inundasaun iha loron 4 – 5 Abril 2021 liu ba.

Nunee FONGTIL mos halo koordenasaun ativu ho ministeriu hotu liu husi halo monitoring ba problema sosial neebe komunidade infrenta no relata ba ministeriu relevante atu fo solusaun, FONGTIL apresia ho medidas sira neebe governu deside hodi apreenta proposta alterasaun OJE 2021, neebe aprezenta ba Parlamentu Nasional no ba distintu deputadu sira aprova.

Tanba nee, FONGTIL iha esperansa katak medidas sira neebe governu aprezenta nudar uniku solusaun ba redus dezafiu sosial ekonomia neebe populasaun infrenta no fo prestasaun servisu ho kualidade ba povu.

Relasiona ho deklarasaun deputadu katak NGO forum nee reprezenta se no kantor laiha lao tun sae, FONGTIL aproveita oportunidade ida nee hodi klarifika katak FONGTIL nia edifisiu iha Caicoli, Dili neebe Sua Exelencia Prezidente Republika no Sua Exelencia Primeiru Ministru mos vizita ona, no rekonese katak FONGTIL hanesan parseira kritiku iha prosesu konstrusaun RDTL.

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...

Ezekusaun Orsamentu Ajensia TIC Atinji 25%

DILI, STLNEWS.co - Diretor Ezekutivu Ajensia Teknolojia Informasaun no Komunikasaun (IP-TIC), Roberto Caetano aprezenta relatoriu ezekusaun orsamentu ajensia nian ba Primeiru Ministru Taur Matan...
%d bloggers like this: