FONGTIL Lamenta Ho Atendementu Arsenio Ba Komunidade RAEOA

DILI, STLNEWS.co – Forum ONG Timor Leste (FONGTIL), lamenta ho atendementu husi Prezidente Autoridade Rejiaun Administrativu Espesial Oecusse Ambeno (RAEOA), tanba uza rekursu estadu trata komunidade RAEOA hanesan fetsan umane, tanba halo aproximasaun liu husi via telefone, no tuir prezidente nia kultura ka hakarak rasik.

Kestaun nee hatoo husi Koordenador Monitoring FONGTIL, Novenlino dos Santos katak, Arsenio Bano uza rekursu estadu hodi trata no rezolve preokupasaun ba komunidade Oecusse oan sira hanesan fetsan umane, tuir nia kultura.

“Ita haree loron hirak ba kotuk estudante sira hatoo sira nia preokupasaun, tanba sira hakarak fila ba sira nia rai atu bele sobrevive sira nia moris, tanba iha sidade Dili menus ona alimentasaun, sira sente dezaraska ona hodi infrenta situasaun kalamidade ida agora nee, maibe ita haree Arsenio Bano resposta ba kolega sira nia preokupasaun liu husi telefone,” dehan nia ba STL iha Farol, Dili, Sabadu (22/05/2021).

Nia dehan, ho atendementu husi Prezidente Autoridade RAEOA nee, foin primeira vez akontese iha nasaun demokratiku iha Timor Leste, nomos iha mundu. Ida nee problema boot no problema ida neebe hatudu Prezidente Autoridade RAEOA demonstra inkapasidade ba publiku.

“Atu hatete Arsenio Bano utiliza fali rekursu estadu hodi rezolve povu nia preokupasaun hanesan fetsan umane tuir nia kultura, no tuir nia hakarak rasik,” tenik nia.

Nia sublina, tuir rezultadu monitoring neebe maka FONGTIL halo, total lista neebe maka antes nee estudante sira toba hein iha ZEMSS hamutuk 697 no oras nee dadaun balun neebe sei kontinua toba hela iha Farol hamutuk 27, tanba nee FONGTIL haree katak, ida nee problema ida neebe seriu, serake Prezidente Autoridade RAEOA nafatin husik sira iha Dili maka sei iha problema, tanba sira dezaraska no menus ona hahan.*

Reportajen: Santina Castro
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: