FONGTIL Observa, Kuaze Populasaun Hakarak Vasina Sinovac

DILI, STLNEWS.co Monitorizasaun Forum ONG Timor Leste (FONGTIL) hatudu, kuaze populasaun barak hakarak vasina Sinovac, tanba nia efetividade reasaun la makaas kompara ho AstraZeneca.

Tuir Koordenador Konsellu Diretor Rede Nasional Auditoria Sosial FONGTIL, Jose da Silva hatete, tuir monitorizasaun neebe mak iha, populasaun barak hakarak simu vasina Sinovac.

 “Dadaun nee hatudu katak, kuaze populasaun barak hakarak simu vasina Sinovac, tanba nia efetividade laiha reasaun neebe makaas, kompara ho AstraZeneca,” dehan nia ba jornalista liu husi konferensia imprensa, iha salaun FONGTIL, Caicoli, Dili, Segunda nee (20/09/2021).

Nia dehan, aleinde nee iha monitorizasaun hatudu katak, Munisipiu Dili iha vasina Sinovac nee barak liu iha klinika maternidade Fatumeta, tuir dadus iha semana nee nia laran, neebe FONGTIL halo monitorizasaun iha fatumeta mak stok sei makaas, Maibe iha sentru sira seluk kuaze uza AstraZeneca.

 “Populasaun hakarak simu vasina Sinovac, ida nee laos ita tenke ezije governu atu hola ida nee, tanba dadaun ita uza nee donor husi Xina mak oferese, ita seidauk sosa, tanba governu seidauk iha politika ida atu sosa,” hatete nia.

Iha fatin ketak, Diretor Ezekutivu Asosiasaun HAK Sisto do santos haktuir, governu mak iha politika ida oinsa buka mekanizmu, atu bele halo sosializasaun vasina ida neebe mak diak, no ida neebe maka ladiak, ka diak hotu, fila fali ba governu.

“Vasina nee konsiensia populasaun idak – idak ninian, nia hakarak vasina ida neebe, nia hakarak hili ida neebe, ida nee fila fali ba komunidade,” tenik nia.

Nia hatete, se governu hakatak atinje taxa vasinasaun neebe iha, governu tenke halo kampana nasional, oinsa mak atu hasae partisipasaun populasaun nian ba vasina.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...