FONGTIL Realiza Dialogu Garante Direitu Ba Rai No Propriedade

DILI, STLNEWS.co – FONGTIL realiza forum dialogu entre orgaun lejislativu, ezekutivu ho organizasaun sosiedade sivil, asuntu garante direitu ba rai no propriedade, hodi nunee haree ba kazu harii universidade iha Aileu, Alargamentu Aeroportu, kazu rai Caikoli, no seluk tan, nunee bele deskobre obstakulu sira.

Tuir Elisabeth Lino de Araujo, hanesan konsellu Fiskal ba FONGTIL, hatete, parte FONGTIL ohin realiza dialogu ida neebe mak hola parte entre, lejislativu, ezekutivu no organizasaun sosiedade sivil sira hotu, atu haree ba saida mak sai baze fundamental, neebe koalia kona ba rai.

“Ho dialogu ohin nee, atu hodi haree kona ba kazu sira hanesan atu harii universidade iha Aileu, neebe sai polemika boot entre governu ho komunidade sira iha Aileu. I ohin mos reprezentante komunidade sira husi Aileu mos mai hatoo sira nia lamentasaun, i husu klarifikasaun husi terras proriedades nian, neebe fo ona esplikasaun. Nunee mos kazu Caikoli, Aeroportu no seluk tan,” katak Elisabeth ba jornalista bainhira halao forum dialogu iha salaun CNE Caikoli, Sesta (30/07/2021).

Nia hatete, FONGTIL hakarak organiza dialogu sira hanesan nee para kria dialogu neebe mak amizade entre sosiedade sivil ho governu atu hodi deskobre obstakulu neebe mak durante nee iha, nunee FONGTIL bele hamosu relatoriu hodi fo rekomendasaun ba buat sira nee hodi aprezenta ba iha gabinete primeiru ministru. Nunee mos sei esforsu para lori deskobrementu sira neebe mak iha atu lori dadus sira nee ba aprezenta ministeriu relevante sira.

Nia informa, iha FONGTIL membru sektoral sira mak rede ba rai, i sira mak kompostu husi organizasaun 20 resin neebe mak halibur hamutuk, sira iha ema legal, peskizador, no advokasia. Neebe sira aprezenta dadus neebe mak iha, tanba nee sira lakoalia deit, maibe bazeia ba dadus ho diskusaun halo ho komunidade sira neebe hetan desputa ba.

Nunee mos, Rodrigo de Mendonca hanesan Diretor Geral Terras Propriedades hatete, jeralmente, problema sira neebe ohin parte FONGTIL, rede ba rai, Ngo forum sira foti, kazu por kazu, neebe tenke haree kazu Aileu, aeroportu, Caikoli, diferente tanba bazeia ba, dokumentus no estatutu rai nian, neebe estatutu privadu tenke rezolve tuir direitu primaria nian, ba direitu sekunaria rezolve tuir prosesu lagal nian, hodi haree ida neebe mak direitu estadu nian, nee oinsa tenke ba estadu.

Entretantu Pedrito Vieira, hanesan Kordenador Nasional Rede ba Rai hatete, iha 2021 nee iha disputa rau iha Timor barak los, hanesan balu individu ho kompania, balu individu ho individu, maibe rede ba rai fo preoridade liu ba sidadaun sira neebe mak disputa ho estadu, tanba sidadaun sira neebe disputa ho estadu nee todan, i tanba mos sidadaun sira balu laiha kbiit, atu selu advogadu sira.

Nia informa, neebe iha kazu balu neebe boot, hanesan atu harii universidade iha Aileu, komunidade sira neebe afetadu iha 132, ho rai hactares neebe luan, tebes. i rai nee tetuk no komunidade sira nia moris fatin, halo uma, kintal hodi halao moris lor-loron, i estadu obriga atu foti rai nee, ida nee laloos. Tuir loos nee governu buka fatin neebe mak mamuk. Laos nee deit maibe mos iha rai aeroportu iha komunidade iha atus ida resin mak afetadus ba alargamentu aeroportu.

Tuir nia, rede ba rai halao servisu sempre azeia ba lei, neebe mak vigora ona, maibe sai problema nee mak ba implementador sira nee, implementa tuir sira nia hakarak, tanba nee parte rede ba rai mai atu fo apoiu juridiku atu apoiu komunidade.

Maibe mos laos ajuda komunidade deit, ajuda mos governu atu buat hotu tenke lao tuir lei, tanba lei iha ona so implementa nee mak sai problema, tanba nee rede ba rai husu atu buat hotu lao tuir lei.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: