FONGTIL Rekomenda Estadu Hatun UPF Ba Segunda Lina

DILI, STLNEWS.co – Forum ONG Timor-Leste (FONGTIL), husu autoridade kompetente sira atu halo rekonfigurasaun ba setor seguransa hodi monta Unidade Polisia Fronteiras (UPF) ba segunda lina ou seguransa afastada iha fronteira terestre hodi reforsa FALINTIL-Forsa Defeza Timor-Leste (F-FDTL) iha lina fronteira.

Liu husi konferensia imprensa Koordenador Advokasia FONGTIL, Ivo Coli- Mau hatete, bazeia ba orientasaun husi Konstituisaun RDTL Art 146, FONGTIL husu estadu atu halo rekonfigurasaun ba seguransa iha fronteira.

“FONGTIL husu ba autoridade kompetente sira hanesan Prezidente Republika Konsellu Estadu Defeza no Seguransa, Parlamentu Nasional  Komisaun B, Ministeriu Defeza, Ministeriu Interior no Konsellu Ministru hodi hadia situasaun refere imediatamente ho rekomendasaun halo rekonfigurasaun ba setor seguransa lina fronteira bele monta UPF ba segunda lina ou seguransa afastada iha fronteira terestre hodi reforsa F-FDTL iha lina fronteira,” dehan nia ba jornalista iha salaun FONGTIL, Caicoli, Dili, Sesta nee (10/09/2021).

Nia dehan, rekomedasaun halo rekonfigurasaun ba setor seguransa lina fronteira terestre substitui UPF ho F-FDTL tuir orientasaun husi Konstituisaun RDTL art 146, atu nunee bele prevene konflitu hodi asegura lina fronteira.

“Deklarasaun husi superientendente refere katak, kilat manu uluk kaptura lubuk ida iha tinan kotuk liu ba, FONGTIL hakarak responde katak, FONGTIL konsidera konfesaun liu husi komandante ferere hatudu katak, UPF inkapasidade hodi asegura lina fronteira para asegura sirkulasaun armas ilegais tama iha teritoriu Timor Leste,” dehan nia.

Tanba akontesimentu refere tuir komandante UPF nia deklarasaun, laos foin primeira vez akontese, maibe akontese kedas iha tinan 10 kotuk liu ba.

FONGTIL hato’o rekomendasaun nee relasiona ho statmentu neebe liberta husi Komandante Unidade Polisia Fronteira Superientendente, Euclides Belo liu husi media neebe deklara katak, FONGTIL labele baralla situasaun  no labele tau kanuru ba asuntu seguransa nian.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: