Forsa Marina Estadus Unidus Ho PNTL Hahu Formasaun Dahuluk

Dili, STLNEWS.co – Bazeia ba konvite husi Governu Timor-Leste, ekipa ida husi Forsa Mariñas Estadus Unidus grupu 1 lojístika nian hahú formasaun ho Polísia Nasionál Timor-Leste (PNTL) konaba eliminasaun material esplozivu.

Formasaun durante semana haat nee sei hasae PNTL nia kapasidade atu elimina ho seguru material esplozivu sira funu nian, hodi asegura seguransa no vida Timor oan sira nian.

“Formasaun neebe hahu ohin reprezenta elementu importante husi ami ninia komitmentu ba esforu PNTL ninian atu hadiak servisu seguransa ba Timor oan sira,” haktuir Enkaregadu Negósiu Embaixada EUA, Tom Daley liu husi komunikadu neebe STL asesu husi Media EUA, Tersa nee (03/05/2022).

“Inisiativa ida nee sei hadiak kapasidade PNTL nian, haklean ita nia parseria no loke oportunidade ekonomika ba Timor oan sira, espesialmente ba setor agrikultura atu uza hikas rai sira neebe uluk labele utiliza, tanba iha material esplosivu. Estadus Unidus kompromete atu apoia Timor Leste hodi oferese oportunidade ba Timor oan sira iha tinan hirak mai,” dehan nia.

Ho apoiu husi Ministeriu Defeza EUA nian, Programa Umanitaria Kontra Minas fornese apoiu atu dezenvolve kapasidade parseiru polisia lokal sira hodi halao deteksaun no eliminasaun minas no material esplozivu sira. Programa ida ne’e sei reuni Forsa Mariñas EUA no ofisial PNTL sira ba dahuluk, hodi tuir formasaun no dezenvolve abilidade ba identifika ameasa, lokalizasaun, avaliasaun no jestaun seguransa. Tékniku sira mos sei halo formasaun konaba atendimentu vítima no jestaun apropiadu ba material esplozivu sira.

Estadus Unidus kompremitidu apoia Timor Leste hodi responde ba ninia prioridade sira seguransa no dezenvolvimentu nian. Apoiu Seguransa EUA nian iha Timor-Leste konsentra liu ba reforsu estabilidade, fortalesimentu baze ba governasaun diak, asegura kondisaun sira ba dezenvolvimentu ekonómiku, hadiak servisu saude ba Timor oan sira no apoiu profisionalizasaun PNTL.

(dom)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...