Foti Sala Ema Fo Risku Ba Kuarentena

Akademista Universidade da Paz (UNPAZ), Adolmando Soares Amaral. (Foto: STL/Blandina Mauno)

DILI, STLNEWS.co – Bainhira foti sala ema neebe nagativu ba izolamentu no husik hela ema pozitivu, nee fo risku ba sira neebe iha kuarentena.

Akademista Universidade da Paz (UNPAZ), Adolmando Soares Amaral hatete, limitasaun ba rekursu umanu sira no fasilidade tanba nee mak fo impaktu konserteza ita halo sala jestaun nee.

“Maibe governu tenki rigorozu nafatin tanba moras Covid-19 ameasa tebes, wainhira ita foti sala ema negativu no husik hela ema pozitivu, nee fo risku boot ba ema sira neebe hela iha kuarentena,” hatete Adolmando ba jornalista sira, iha Banku Mandiri, Segunda (04/01/2021).

Adolmando husu governu ba oin liu-liu mediku ka pesoal saude sira, neebe iha frontline tenki hare no identifika ho didiak, no kuidadu, labele domina ho emosaun pozitivu.

Ida nee mak estrajia politik ruma nee bele-bele deit, tanba Eis Vise Ministra Interina, Elia dos Reis Amaral mos nee korban husi politika, agora ida nee ita husik hela hatene katak politika mak domina liu.*

Reportajen: Blandina Mauno/Joaninha Belo
Editora: Carme Ximenes

LEAVE A REPLY

Please enter your comment!
Please enter your name here