FPR Prontu Apoiu Kandidatu Neebe Hetan Fiar Husi Xanana

DILI, STLNEWS.co – Frente Politika Reservada (FPR) neebe halibur an iha mahon Uniaun dos Movimentu Demokratiku no Patriotiku (UMDP), prontu apoiu kandidatura neebe hetan fiar husi lider nasional no Prezidente Partidu Congresso Nacional de Reconstrução de Timor (CNRT) Xanana Gusmão iha eleisaun Prezidensial 2022.

Koordenador Jeral Frente Politika Reservada (FPR), Mateus Brito Ximenes hatoo kestaun nee ba jornalista liu husi konferensia imprensa neebe halao iha eis edifisiu SOTA Bidau Lecidere, Dili, Sabadu nee (23/10/2021).

“Ba se deit mak hetan fiar ka indijitadu husi maun boot Xanana Gusmão ba kandidatura prezidensial, ami husi movimentu Frente Polítika Rezervada prontu hodi fo apoiu tomak,” dehan Koordenador nee.

Tuir nia, durante nee FPR sai hanesan observador hodi observa prosesu tomak, dezde estabelesimentu estadu direitu demokratiku iha konsolidasaun demokrasia no kueda governu konstitusional ba dahuluk too mai VIII governu konstitusional, neebe mosu impase politika, ekonomia, no aat liu tan mosu dezastre naturais hanesan inundasaun ho pandemia Covid-19.

Tanba iha situasaun ida nee lori povu moris iha politika ida kompleksu, ezijente, no kontraditoria, ida nee fo impaktu ka implikasaun negativu ba povu nia moris.

“Tanba nee liu husi ita nia maun boot Kay Rala Xanana Gusmão ho nia espiritu valor umanu, tun ba iha sosiedade para bele fo fali inspirasaun ba povu nunee bele hakat liu situasaun neebe dadaaun nee nasaun nee infrenta,” dehan nia.

(alb)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...