HERA, STLNEWS.co – Frater nain 1 no Diakonu nain 2 husi Kongresaun Ordem Carmelita simu ordenasaun diakonal no sacerdotal, mak hanesan Frater Silvestre Alves, O.Carm, Diakonu Amandio Soares Salsinha, O.Carm no Diakonu Narcizio da Costa Vila Nova O.Carm tula liman husi Sua Eminencia Dom Virgilio Cardeal do Carmo da Silva, SDB iha Igreja Sao Tiago Hera.
Misa nee presizi husi Sua Eminencia Dom Virgilio Cardeal do Carmo da Silva, SDB akompania husi Bispu Dom Leandro Maria Alves, Provinsial Australia no Timor-Leste, Pe. Bruce James Clark O.Carm inklui amululik sira seluk.
Fr. Silvestre Alves, O. Carm moris iha Aldeia Apirado, Suku Fatubolu iha loron 6 Julho 1985. Aman Moises Alves, inan Julia dos Santos, oan ba daruak (2) husi maun alin nain ualu (8), kompostu husi mane (4) no feto (4).
Dc. Amandio Soares Salsinha O. Carm, moris iha suku Tokoluli, Aldeia Tahubate, iha loron 7 fulan Junhu 1985, aman Sebastião dos Santos Babo Matebian Inan Isabel Salsinha Soares, Dc. Amandio mak oan ba dala-uluk husi mau-alin nain (15), kompostu husi mane nain 9 no feto nain 6.
Dc. Narcizio da Costa Vianova, O.Carm, moris iha Ossú-Borala, iha loron 10 fulan Novembro tinan 1987. Aman Senhor Manuel da Costa (Matebian), Paulina da Costa Guterres (Matebian), Dc. Narcizio oan ba dahaat husi maun-alin nain 6. Komposto husi mane (3) no feto (3).
Antes atu misa sarani Parokia Sao Tiago Hera hamutuk familia Frater no Diakonu nain rua simu Sua Eminencia Dom Virgilio Cardeal do Carmo da Silva, SDB no Bispu Dioseze Baukau, Dom Leandro Maria Alves.
Partisipa iha misa nee husi familia Frater no Diakonu Madres, Frater no sarani sira.
(joa/jos)
