FRETILIN-CNRT Forsa Politik Bele Lu-Olo Ba Palasiu Prezidente

DILI – Konjuntura politika foun hahu ona husi uma fukun Parlamentu Nasional (PN) entre partidu Fretilin ho partidu CNRT. Konjuntura nee, komesa daet mai iha eleisaun prezidensial tanba Xanana komesa fo apoiu ba Lu-Olo nia kandidatura inklui partidu CNRT.

Ho konjuntura politika nee, sosiedade akademika konsidera FRETILIN ho CNRT hamutuk sai ona forsa politika bele lori Kandidatura Prezidente Republika period 2017 too 2022 ba iha Aitarak Laran.

Tuir Observador Politika-UNTL, Victor Soares katak, dalan Kandidatura Prezidente Republika periode 2017 too 2022, Francisco Guterres ‘Lu-Olo’ ba palasiu prezidente Aitarak Laran komesa nakloke.

Klaru ida nee forsa politik ba Lu-Olo, dalan diak bele lori Lu-Olo ba Aitarak Laran,” dehan Observador Politika-UNTL, Victor ba STL iha nia knar fatin kampus lama-UNTL, Caicoli-Dili, Kuarta (22/02/2017).

Victor esplika, maske Lu-Olo hetan ona dalan, maibe eleisaun mak sei determina liu husi votus povu nian, tanba nee mak labele konfia –an uluk. Victor konsidera, kandidatura Prezidente Republika hamutuk nain 8 nee fini diak hotu, maibe sai prezidente republika nee ema ida deit mak sei liu iha eleisaun prezidensial.

Iha fatin ketak, Deputadu Bankada Fretilin, Paulo Moniz Maia esplika, apoiu Xanana nia ba kandidatura Prezidente Republika periodu 2017 too 2022, Francisco Guterres ‘Lu-Olo’ tanba konjuntura politika hahu husi Parlamentu Nasional (PN). Raimundo S. Fraga

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...