FRETILIN Diskute Ajenda Importante 4

DILI, STLNEWS.co – Komite Sentral FRETILIN (CCF – sigla portugues) halao reuniaun iha loron 25 fulan Setembru tinan 2021, hodi diskute ajenda importante haat mak hanesan, Kongresu Nasional Da-5 FRETILIN nian, prorogasaun ba mandatu estrutura nasional no estrutura baze FRETILIN, konfirmasaun ba nomeiasaun membru sira ba Komisaun Nasional Preparasaun no Organizasaun (CNPO), no fo mandatu ba Sekretariadu Nasional, atu inisia konferensia sira iha nivel Postu Administrativu, munisipiu/rejiaun espesial sira.

Tuir karta komunikadu neebe STL simu iha Domingu nee (26/09/2021) katak, CCF aprova ho unanimidade deliberasaun ida konaba ajendamentu ba Kongresu Nasional Da-5 FRETILIN nian, ba tinan 2022 ho data neebe sei marka, hafoin konsiderasaun no analize ba situasaun nasional.

CCF mós aprova deliberasaun neebe halo prorogasaun ba mandatu husi FRETILIN nia estrutura nasional no estruturs baze. Estrutura nasional nia mandatu sei proroga to’o realizasaun kongresu nasional, enkuantu mandatu estrutura baze nian sei proroga to’o tinan 2024, ho readjustamentu ba estrutura iha fatin sira neebe mak estrutura la ativu.

Nunee mos, CCF aprova deliberasaun neebe konfirma nomeasaun membru sira ba Komisaun Nasional Preparasaun no Organizasaun (CNPO), neebe halo husi Komisaun Politika Nasional iha loron 19 fulan Setembru tinan 2021, hodi koordena FRETILIN nia servisu preparativu sira ba realizasaun Kongresu Nasional Da-5, Eleisaun Direta Lideransa FRETILIN, Eleisaun Prezidensial tinan 2022 no Eleisaun Lejislativa tinan 2023. Komite Sentral konfirma nomeasaun husi kamarada Flávio M. G. da Silva, nu’udár Prezidente CNPO hamutuk ho kamarada Cipriana Pereira no kamarada Antoninho Bianco nu’udár Vise Prezidente.

Antes hahu reuniaun nee, CCF nia deliberasaun ida neebe fo onra no glória ba kamarada “Mauhuno Bulerek Karatayano” nuudár fundador FRETILIN, Membru Komite Sentral FRETILIN primeira jerasaun, Sekretariu Komisaun Diretiva FRETILIN no Xefe Konsellu Polítiku Militar neebe foin husik Mundu iha loron 24 fulan Setembru tinan 2021.

Ho Mauhuno nia mate, Komite Sentral FRETILIN konsidera “FRETILIN no Timor Leste lakon elementu importante ida ho grande história nuudár Eroi Nasional iha Luta Libertasaun Patria nian.”

Hafoin diskusaun profunda ba deliberasaun sira nee idak – idak, Komite Sentral aprova deliberasaun neebe fo onra no gloria ba saudozo kamarada Mauhuno ho aklamasaun

enkuantu deliberasaun haat sira seluk, idak – idak aprova ho unanimidade.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...