FRETILIN: Falta Rekursu Umanu No Ekipamentu; Eransa Governu Anterior

DILI, STLNEWS.co – Bankada FRETILIN iha uma fukun Parlamentu Nasional (PN), hatete Timor-Leste hasoru dezafiu barak, liu-liu falta rekursu umanu ho ekipamentu infraestrutura atu atende pasiente, no nee eransa governasaun anterior.

Tuir Xefe Bankada FRETILIN, Francisco Miranda Branco hatete, haree ba evolusaun preokupante ba kazu SARS-COV-2 neebe sae makas ho risku importasaun, transmisaun no propagasaun iha Timor Leste.

“Ita hasoru frakeza no dezafiu barak, iha karensia no falta  rekursus humanus espesializados inklui falta ekipamentu ho infra-estrutura adekuada hodi atende ita nia populasaun, ho sistema serbisu saude neebe frajil tebes neebe depende liu ba rai liur, eransa mai husi governasaun tinan 10 resin liuba. Governu da-8 ho tinan 2 ka tinan 3 labele halo milagre hodi halo mudansa boot,” dehan Xefe Bankada FRETILIN,  Francisco Miranda Branco iha PN Kuarta nee (25/08/2021).

Nia dehan, maibe  FRETILIN louva Governu da-8  ho SIJK nia esforsu no seriedade, iha tempu rekorde konsege prepara fatin izolamentu Vera-Cruz, Lahane no Tasi-tolu iha sidade kapital Díli, ho pesoal no ekipamentu neebe garante tratamentu neebe salva ema nia vida.

“Ami louva governu nia seriedade hodi prepara kondisaun sira ba Hospital Suai no Maliana, neebe bele ona halo serbisu atendimentu ba pasiente Covid-19 ho kondisaun grave, no lapresiza lori mai kapital Dili.

Nunee mos ba prontidaun governu nian hodi responde ba tratamentu maternu-infantil ho preparasaun maternidade ba inan isin-rua ho Covid-19, iha edifisiu B, fatin izolamentu Tasi-Tolu nian.

Aleinde nee, Xefe Bankada CNRT, Duarte Nunes dehan, ema Timor ninia problema maka lakohi rekonese ninia sala ho buat ida arogansia. Timor Leste afeta covid ka covid mai TL iha sa tinan, no governu anterior iha sa tinan maka covid tama, hodi dehan governu anterior la tau  fasilidade covid nian.

“Labele soe sala ba ema seluk maka sala fali, ita nunka rekonese ita nia sala. Karik sala dehan sala, memang osan laiha hau labele halo buat ida. Ita tau osan barak-barak iha covid, agora dehan osan laiha,” dehan nia.

Nia hatutan, agora duun ba ema karik ema iha dignidade dehan la sala, “hau rekonese hau nia sala, nee buat neebe uluk ami aprende iha ai-laran maka nee, nia kritika hau dehan sala i hau sente sala hau hadia,” hakotu nia.*

Reportajen: Domingas

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: