Fretilin Rekonese Hadau Poder; CNRT Parabens

Deputadu Bankada Fretilin, Dario Madeira. (Foto: Facebook)

DILI, STLNEWS.co — Deputadu bankada Fretilin, rekonese Fretilin hadau poder liu husi viabiliza VIII Governu tanba hakarak moris diak povu nian.

Tuir Deputadu Dario Madeira, bankada Fretilin hili pozisaun ida nee no hahu halimar bee merak atu hatudu ba povu Timor Leste katak, lakohi atu kontribui ba situasaun lahakmatek.

“Hau koalia ida nee tanba Fretilin viabiliza VIII Governu hakarak atu funsionamentu Estadu nian lao, povu tenke moris hakmatek. Maibe ohin mai iha uma fukun ida nee hatudu liman ba malu deit katak, Fretilin ba hadau poder, sim Fretilin halo duni buat ida nee. Hodi viabiliza duni VIII governu ida nee hodi povu bele moris diak,” dehan Dario nia liu husi sesaun plenaria PN, Segunda (19/10/2020).

Nia afirma, maske ohin iha deklarasaun CNRT nian koalia katak, CNRT depende ba sosiu ekonomia povu nian no Fretilin mai viabiliza atu halo mout deit osan.
“Se maka halo mout osan iha rai ida nee billaun ba billaun, maibe eskola ladiak, harii ospital bee laiha, estrada husi munisipiu too ba postu sira iha teritoriu tomak ladiak nafatin. Osan billaun ba billaun mout ba iha neebe, depois ba debe fali osan mai maka halo estrada, ida nee maka realidade lolos,” relata Dario.

Nia hatutan karik dehan Fretilin ba atu mout deit osan, Fretilin halo mout no halakon tiha ona osan hira ba rai ida nee ninia leten.

Iha fatin hanesan Vise Bankada CNRT, Deputadu Patrocino Fernandes, “hatoo parabens ba Deputadu Dario Madeira neebe rekonese katak, Fretilin hadau duni poder. *

Reportajen: Domingas Soares/Guilhermina Franco
Editor: Ekipa STL

LEAVE A REPLY

Please enter your comment!
Please enter your name here