FRETILIN Sempre Halo Sosializasaun Ba Populasaun Simu Vasina

DILI, STLNEWS.co – Prezidente Bankada FRETILIN, Francisco Miranda Branco hatete, bankada FRETILIN sempre halo sosializasaun ba populasaun sira hodi simu vasina, tanba vasina nuudar dalan neebe mundu tomak foti hodi hasae imunidade hasoru Covid-19.

“Deputadu sira husi Bankada FRETILIN iha media no durante nee sempre defende no ajuda sosializasaun ba ita nia populasaun, konaba nesesidade atu simu vasina nuudar dalan neebe nasaun sira iha mundu tomak foti, hodi hasae ita nia imunidade hasoru Covid-19,” dehan Branco liu husi deklarasaun politika, iha PN, Tersa (24/08/2021).

Nia dehan, bainhira simu vasina proteje an rasik nomos maluk sira seluk, dalan diak liu ba defende estadu no povu, tenke koopera ho governu, simu vasina hasae imunidade no evita halibur ema barak nomos evita kontaminasaun no kontajiu.

Nunee mos Deputadu Bankada PD, Elvina Souza husu governu atu antisipa vasinasaun ba sidadaun hotu – hotu, no maluk sira neebe mak identifikadu vulneravel liu ba Covid-19.

“Nee duni husu nafatin halo kampana no sosializasaun ba vasina hodi enkoraza sidadaun hotu hodi bele vasina, tanba ho meius ida nee mak bele salva ita hotu,” katak nia.

Aleinde nee mos Primeiru Ministru (PM) Taur Matan Ruak dehan, konaba vasina nee to’o agora nee hamutuk nove centos oitenta dois mil, trezentos oitenta (982.380) ema neebe simu ona vasina.

“Maibe ami servisu makaas los hodi vasina nee to’o iha ita hotu, agora naturalmentu ami husu deputadu sira nia ajuda no apoiu, ami mesak nee ladiak, maibe presiza ita boot sira nia reforsa,” katak nia.*

Reportajen: Natalina Lopes/Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: