Fulan 3 Mai Sasan Barak Tama Portu

Iha fulan 3 nia laran husi Fulan Outubru too Dezembru 2020, sasan barak sei tama iha Portu Dili. Tanba nee, APORTIL sei halo kordenasaun neebe diak, ho parte relevante, atu nunee bele fasilita diak bainhira sasan too iha portu. (Foto: Facebook)

DILI, STLNEWS.co – Iha fulan 3 nia laran husi Fulan Outubru too Dezembru 2020, sasan barak sei tama iha Portu Dili. Tanba nee, APORTIL sei halo kordenasaun neebe diak, ho parte relevante, atu nunee bele fasilita diak bainhira sasan too iha portu.

Dehan Prezidente Konsellu Administrasaun Portu Dili (APORTIL), Flavio Cardoso Neves ba STL iha nia knar fatin Portu Dili, Tersa (20/10/2020).

“Hau hanoin foin dadaun, ita nian governu hatama fos husi Vietnam, kuaze fulan ida roo tanba durante semana hira nian laran. Atividades iha portu nee sibuk liu ba hatun fos,neebe mak CLN,ou ajensia governu, neebe responsabilidade CLN ninia,”katak Flavio.

Nian dehan, APORTIL teknikamente atu ajuda fasilita deit, oinsa sasan sira nee bele sai lalais husi portu. Maibe durante nee iha mos kestaun tekniku, dalaruma ita nian preparasaun iha armajen estadu iha Tibar neebe governu prepara. Entaun sasan sira iha nee mos tarde uituan,ho ida nee fulan ida liu,ohin ho aban hotu ona,tanba haree ba iha tasi laran,ita haree roo barak mak antrian,ita fo oportunidade ba roo sira bele atraka mai iha nee bele movimentu nee lao normal fali.

Prezidenti Aportil,akresenta,durante iha fulan ida nee,atividades neebe mak makaas,nee mak hatun importasaun fos nee,depois roo balun neebe tula kontaner kontinua tama nafatin,nee balun tula motor,no balun tula kareta,sasan nesesidade baziku sira seluk,inklui mos bee galon sira nee.Sasan konstruksaun.

Tanba nee,hau hanoin iha fulan Outubru,Novembru no Dezembru,hau hanoin ita nian numeru sasan importasaun sei sae uituan,tanba ita haree tinan-tinan kuandu OJE hotu ona nee,fim do ano nee ema tama barak,nee mak ita haree. Hanoin atividades iha portu Dili, desde iha EE too agora sei lao normal nafatin,tanba ita nian portu ita loke 24 oras,tantu ita nian kondisaun mak dala ruma haree ba iha seguransa, dalaruma sai karik,depois fos mos labele sai kalan, entaun dala ruma balun too deit tuku 10 para ona, maibe portu ami loke nafatin,desde iha EE too agora.

Nia sublina, maske EE portu loke nafatin,maibe sira kontinua kontrola movimentu ema,no roo neebe tama,kru sira neebe mai dala ruma sira labele tama,no para deit iha roo laran,maibe iha fulan Outubru,Novembru too Dezembru sasan barak sei tama iha portu,ho ida nee presiza regula didiak iha portu Dili,atu nunee roo sira labele antrian,tanba tinan-tinan,iha Dezembru,roo sempre antrian.

“Ita tenke esforsu aan,atu bele fasilita,tantu iha teknik no administrasaun, nomos kolabora ho instituisaun relevante sira iha portu laran,atu bele fasilita maluk sira ho diak liu tan,tanba iha Dezembru uluk roo sempre antrian barak,ho ida nee ita presiza iha preparasaun no kordena malu ho diak ba asuntu ida nee.

Iha sorin seluk, Prezidente CLN, Augosto Junior Trindade dehan, agora dadaun governu liu husi CLN importa ona fos 30.000 ton mai TL. Tanba nee ho numeru fos neebe mensiona, bele garante ba fulan tolu ou hat nian laran.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here