DILI, STLNEWS.co – Ministru Defeza Filomino Paixão hatete, rekrutamentu ba membru foun FALINTIL – Forsa Defeza Timor Leste (F-FDTL) nain 600 sei hahu rekruta iha fulan Agostu tinan nee.
Lia hirak Ministru Defeza Filomino Paixão hatete ba jornalista iha Palasiu Governu, Sesta nee (06/05/2022).
Nia katak, kandidatu sira neebe teste uluk ona iha faze rekrutamentu primeru, sira neebe ho kondisaun diak sei tama hotu iha rekrutamentu nee.
“Kestaun ekonomia, nunee sira neebe ita teste ona tinan kotuk nee, sira nee ita iha esperansa katak, sira neebe saudavel sei tama no ba sira neebe mak moras ita hein fali ba oportunidade seluk, maibe sira saudavel nee ita tenki foti fali para labele repete ho operasaun, neebe lori despeza boot nee,” tenik Filomino.
(san)
