DILI, STLNEWS.co – Kreda universal kada tinan iha fulan Setembru nee dedika ba Sagrada Eskriatura, atu hola Maromak nia liafuan nudar ai haan ba spiritual, ba ema nia moris nudar naroman ba lalaok no matenek iha dialogu sira.
Liafuan murak nee hatoo husi Padre Manuel Pinto, SDB ba STL iha Salaun Sao Jose Katedral Dili, Tersa nee (05/09/2023).
Pe.Manuel hatete, kreda universal tinan -tinan iha Setembru nee dedika ba Sagrada Eskritura, tanba iha fulan nee rasik liu-liu iha loron 30 fulan Setembru kreda selebra Sao Jeronimo.
Selebrante nee haktuir, Sao Jeronimo mak santu ida neebe dedika nia aan iha Terra Santa iha Jerusalem nia ema Italiano, maibe nia gasta nia tempu iha Jerusalem hodi estuda biblia iha lian orijinal lian neebe Jesus koalia liafuan hakerek iha bibilia hodi tradus ba lian Latin.
Tanba nee ho nia esforsu no matenek nee, kuandu selebra fulan bibilia nee hanoin mak Saun Jeronimo nia liafun neebe importante ba sarani sira, mak ema neebe ignorante kona ba Sagrada Eskritura ou biblia nia mos ignorante ka lahatene kona ba Jesus.
Pe. Manuel haktuir, ho nia liafuan hirak nee hakarak atu dehan ba sarani tomak neebe fiar iha Nai Maronak, fiar iha Jesus atu lee hatene medita saida mak hakerek iha biblia, maibe laos too deit atu lee no hatene maibe liu-liu atu bele moris tuir.
Tanba Nai Maromak nia liafuan nee laos atu diriji ba ema nia kakutak, fuan no konesementu maibe Nai Maromak nia liafuan nee propiu atu ema moris tuir, ezemplu hanesan Nai Maromak nia ukun fuan 10 Nai Maromak hakerek iha Sagrada Eskritura nee laos ema atu dekor tuir katekeze bele simu sakramentu lae, maibe atu moris tuir.
“Hau hanoin iha fulan Setembru ida nee tinan-tinan ita nudar kreda dedika ba Sagrada Eskritura propiu atu hola Nai Maromak nia liafun nee nudar ai haan espiritual ba ita nia moris nuudar naroman ba ita nia lalaok i nuudar matenek ba iha ita nia kakutak, ita nia dialogu sira no koalia sira,” hatete Pe. Manuel.
Pe. Manuel informa, iha fulan Setembru nee sarani hotu-hotu tinan-tinan sempre halo kuis kona ba biblia, sertame, dezenhu, ka kompetisaun no drama oin-oin konaba biblia maibe ida nee la hatudu katak hatene liu ona, maibe liu-liu kuandu makaas iha moris tuir Nai Maromak nia hakarak no liafuan ida nee mak kompetisaun ida neebe diak.
Tanba ene, ba sarani hotu-hotu diak liu loron-loron molok toba depois hader pelu menus lee biblia pasajem ida hahu husi Genezis too ba revelasaun nee, se lee loron-loron tinan ida tomak remata lee bibilia boot nee.
(joa)
