Fundasaun Codiva Haklean Konesementu LGBTI Ba Autoridade Lokal

DILI, STLNEWS.co Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal.

Haktuir Diretora Ezekutiva Fundasaun Codiva Laura Afonso de Jesus ba jornalista sira, bainhira remata halo lansamentu ho autoridade lokal sira iha salaun Comisaun Nasional Eleisoens (CNE – sigla portugues) Colmera, Tersa nee (21/09/2021).

“Objetivu ohin nee, prinsipalmente mak hakarak atu haklean liutan konesementu autoridade lokal nian, liu – liu Xefe Suku no Xefe Aldeia sira, liga ho asuntu LGBTI nia, oinsa atu bele respeita ema ida hanesan ema. Programa nee ohin lansa ho Xefe Suku foin primeira, maibe antes nee ami lansa ona ho Polisia Nasional Timor Leste, nee ami foka liu ba iha dezaminasaun, informasaun nee ba polisia, komunidade, ba ema vulneravel, nomos ba iha parseiru rede referal neebe mak lidera husi Ministeriu Solidaridade Sosial no Inkluzaun (MSSI) rasik,” dehan nia.

Nia informa tan, lansamentu ida ohin nee foka liu ba autoridade lokal sira, tanba dala wain kazu sira hanesan, violensia hasoru komunidade LGBTI nee akontese iha aldeia no suku, maibe menus konesementu husi komunidade no autoridade suku sira, entaun dala barak komunidade LGBTI ida hetan violensia no diskriminsaun iha ita nia suku, ema dehan katak normal, tanba komunidade nia interpretasaun iha Timor nee iha deit feto no mane, maibe jeneru seluk nee ema la konsidera.

Atividade nee ohin lansa iha Dili, maibe sei kontinua ba munisipiu sira hotu, iha nee hamutuk ho Ministeriu Administrasaun Estatal (MAE), inklui mos MSSI, nomos Prezidente Autoridade Munisipiu Dili atu asegura.

Iha fatin hanesan, Xefe Suku Motael Luis Antonio Candido Gusmaõ Viegas dehan, oinsa koalia konaba LGBTI, liu – liu ba iha konsellu suku iha territoriu tomak.

“Tanba nee mak ami mai tuir formasaun ida nee, maibe ami nia hakarak ba futuru, oinsa bele halo klean liutan. No tun direta ba komunidade, tanba ita koalia konaba LGBTI nee bele dehan katak, komunidade LGBTI nee minor liu iha nasaun Timor Leste,” katak nia.

Nia informa, hakarak husu oinsa atu halo dezaminasaun nee, tuun direta ba to’o iha komunidade sira, para komunidade sira hatene klean liutan konaba formasaun nee.

Iha tinan 2020 to’o tinan 2021, LGBTI rejistu kazu hamutuk 160 resin mak hatoo ona keixa ba Fundasaun Codiva. Programa nee foka liu ba komunidade LGBTI sira, neebe mak hasoru violensia no diskriminasaun mai husi sosiedade iha jeral.*

Reportejen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...