Funsionariu APORTIL Nain 27 Simu Pose

DILI, STLNEWS.co – Prezidente Autoridade Portuariu Timor Leste (APORTIL), Lamartino de Oliveira fo pose ba funsionariu hamutuk nain 27.

“Ita boot sira neebe mak ohin simu pose nudar direitores no Xefi Departamentu APORTIL nian, nee laos privilejiu no laos oportunidade ba ita boot sira, maibe responsabilidade ho kualidade servisu hodi fo atendimentu ba ita nia sosiedade,” dehan Prezidente APORTIL, Lamartino de Oliveira hafoin remata tomada de pose ba funsionariu APORTIL nain 27 iha salaun Universidade Oriental Timor Lorosae (UNITAL), Kinta nee (05/05/2022).

Nia hatutan, funsionariu sira neebe simu tomada de pose nee sei servisu makaas hodi hasae reseita ba kofre estadu.

“Ita boot sira nee ohin simu pose nee laos privilejiu, maibe nee hanesan dezafiu ida ba ita boot sira atu hasae reseita ba kofre,” hateten nia.

Nia husu mos ba funsionariu sira neebe simu tomada de pose atu hatudu servisu profisional tuir lei neebe iha. Nunee mos ba konvidadu sira neebe partisipa iha serimonia nee atu sai sasin ba sira.

Iha fatin hanesan, Diretor Jeral Ministeriu Transporte no Komunikasaun (MTK), Gaspar de Araujo, husu ba empoxadu sira atu servisu ho responsabilidade.

“Ita boot sira kontratu ba tinan lima, maibe ita boot sira nia konerjia mak la diak APORTIL tenki foti desizaun, hanesan xefi ita servisu la para 24 oras,” hateten nia.

Servisu APORTIL nee importante tebes, tanba iha koordenasaun entre lina ministeriu hotu liga ba servisu portu nian.

Entretantu, Funsionariu APORTIL neebe simu pose nee husi kargu Xefi Gabinete nain rua, kargu diretor nain neen no Xefi Departamentu nain 19.

(alb)

LEAVE A REPLY

Please enter your comment!
Please enter your name here

NEWS UPDATE

Konvidadu Hahu Tama Iha Fatin Serimonia

DILI, STLNEWS.co - Konvidadu sira hahu tama dadauk ona iha fatin serimonia investidura tomada de pose ba Prezidente Republika eleitu Jose Ramos Horta. Bainaka sira...

Prezidente Joko Widodo Hatoo Parabens Ba Ramos Horta

DILI, STLNEWS.co - Ministru Koordenador Asuntu Politika, Legal, no Seguransa Indonezia (Menko Polhukam), Mahfud M. D. hasoru malu ho Prezidente eleitu Dr. Jose Ramos...

Governador Jeral Australia Kontenti vizita Timor Leste

DILI, STLNEWS.co - Governador Jeral Australia, David Hurley haksolok vizita Timor Leste hodi partisipa serimonia tomada de pose prezidente eleitu Jose Ramos Horta, no...