FUP Konsidera Espoza SEAK Mate Laos Tara Aan

BAUCAU, STLNEWS.co – Fundasaun Uma Paz (FUP), Munisipiu Baucau konsidera espoza Sekretariu Estadu Arte no Kultura (SEAK) nia mate laos tara aan.

Informasaun nee hatoo husi Diretora FUP Baucau, Fezlismena Belo ba STL iha nia knaar fatin Watulete, Kuarta (19/05/2021).

“Feto laos sai material ba mane sira neebe iha poder ou laiha poder maibe iha asaun sira nee ita haree katak, nee krime neebe mak grave tebes, iha neeba ita haree momos tara aan ho kondisaun ida neebe ita deskonfia laos tara aan, iha notisia ita haree rasik iha ninia sinais sira neebe mak iha ninia isin lolon iha suspeitu neebe mak baku,” nia dehan.

Nia husu parte ministeiru relevante fo pena ou sansaun neebe mak todan no husu urjentemente hasai nia husi kargu, tanba kargu neebe mak nia assume nee kargu ida neebe importente tebes atu respeita feto no ema hotu iha nasaun ida nee, tanba nia parte la hatudu seguransa diak ba feto nunee nia la merese assume kargu SEAK.

Mane no feto sira neebe iha kargu presiza mos treinamentu ida diak atu nunee assume kargu fo kualidade no vantage neebe mak diak ba kargu sira neebe mak assume, tamba assume kargu importante mak laiha kapasidade atu apresenta ida nee mak sei impaktu ba iha komunidade.

“Hanesan Diretora Ezekutivu ba Uma Paz hau triste tebes tamba iha nasional ami iha rede lubuk ida liu liu Rede Feto no Rede Nasional neebe mak luta makas ba ida nee, mais iha ema neebe importante neebe bele halo asaun ba ninia espoza, hau hanesan Diretora lasimu i husu ba ministeiru atu halo prosesu kazu nee iha tempo badak.” hakotu Fezlismena Belo.*

Reportajen: MJ-1
Editora: Domingas Gomes

1 COMMENT

  1. Simu kanar maibe la hatene klalaok knar Seat.
    Maibe uja poder hodi haneahan malu ne ladiak.
    Dalan uniku maka interven kedas hahalo sira hanesan ne no hasai kargu nebe nia assume.

    Tamba kargu importante maibe la hatene atu responsabiliza tamba nomeasaun poltika.🙏🙏

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: