Futuru Tasa Basketball Halo Mos Ba Eskola Sira

DILI, STLNEWS.co – Espoza Prezidente Republika (PR), Cidalia Lopes Nobre Mouzinho Guterres sujere ba Komisaun Organizadora no Governu iha futuru kompetisaun no tasa basketball sira, labele realiza deit iha instituisaun sira maibe ba mos iha area rural nomos eskola sira.

Espoza PR Cidalia Lopes Nobre Mouzinho Guterres hatoo kestaun nee ba jornalista bainhira remata entrega premio manan nain ba Tasa Primeira Dama iha Palasiu Prezidente, Bairru Pite, Segunda (05/07/2021).

“Ohin ho hau nia intervensaun katak sebele kompetisaun no copa ida nee laos ba instituisaun sira neebe mak iha sidade, maibe diak liu habelar ba komunidade sira iha area rural no segundu ba mos estudante sira, nee hanesan mos forma ida atu mos sira nia desportiva no ida mos hanesan maneira oinsa atu hanorin sira liu husi kampana violensia hasoru feto, ida nee ita bele lori esforsu liu husi desportu ita bele hatutan,” hatete nia.

Espoza PR mos enkoraja federasaun atu serbisu ho parseiru esensial hanesan Governu, universidade no eskola atu prepara joven atleta sira neebe mak Governu bele fo tulun liu husi bolsa estudu ba sira kuandu sira hetan fiar oportunidade, apoiu moral no finansial mak sira bele konsentra masimu hodi lori basketball sai desportu iha Timor Leste.

Nia hatutan, espera iha futuru inisiativa diak nee hetan apoiu husi Prezidensial Republika liu husi Xefe Casa Sivil nia prezensa.

Hatan ba kestaun nee Prezidente Komisaun Organizadora, Madalena Carlos Pereira hanesan mos Vice Prezidente Federasaun Nasional Basketball Timor leste (FNBTL) hatete, “ida nee loloos tinan kotuk halo ba rural no labarik, maibe ami organiza semana rua deit, buat hotu sai diak no prosima ano mak ami hetan senhor Raul lemos ho ema seluk tan ami tama area rural, maibe agora dadauk nee Federasaun Basketball mos iha ona maibe ami labele koalia lai, iha ona kampu iha area remotas Ainaro nia ami komesa tama husi rural mai,” katak nia.

Vice FNBTL nee hatutan, atu implementa ba feto ka estudante mos diak liu, maibe tanba kuandu halo ho estudante entaun sira sei serbisu hamutuk ho Ministeriu Edukasaun tanba nee area edukasaun, maibe sira nuudar federasaun prontu hela deit.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: