G7+ Audensia Ho Komisaun B

DILI, STLNEWS.co – Tuir Prezidente Komisaun B, Deputadu Jose Agustinho Siqueria Somotxo haktuir katak, ohin G7+ halo audensia ho Komisaun B koalia konaba buat importante 3 mak hanesan, G7+ ninian servisu iha Timor Leste, politika G7+ durante tempu pandemia, nomos legalidade ho obrigasaun G7+ ninian.

Nia dehan, ohin nee audensia ida ho G7+, iha audensia nee koalia konaba informal, tanba ho urjensia oituan, i Orsamentu Jeral Estadu mos besik, no sekretariu jeral G7+ kleur iha rai liur, tanba pandemia Covid-19, neebe foin mai Timor Leste. Neebe primeiru nee hakarak koalia pontu situasaun konaba G7+ ninian servisu, tantu ba politika esterna hanesan mos politika interna Timor Leste.

“Audensia nee koalia konaba pontus 3 deit, mak ami hakarak rona pontu situasaun ida konaba koperasaun ho Ministra Negosiu Stranjeiru no Kooperasaun (MNEK), konaba funsionamentu G7+ iha Timor Leste, segundu mak konaba politika esterna G7+ ninian durante tempu pandemia neebe lao, maske hasoru difikuldade barak maibe lao diak, nomos legalidade ho obrigasaun G7+ ninian tama ona ba 11 eziste,” dehan nia ba jornalista sira iha PN, Kinta nee (14/10/2021).

Nia akresenta, i hotu – hotu no publiku tenke hatene katak, G7+ uluk ita nuudar pais fundador nee iha difikuldade barak, maibe ohin loron nee G7+ sai organizasaun intergovernasaun, signifika katak, laos iha Timor Leste, maibe iha ona membrus pais barak, no sai ona 20 pais membrus ba G7+, signifika katak, ita iha ona apoiu husi pais sira neebe bolu dehan fraze, hanesan politikamente iha nivel seguransa fraze.

Aleinde nee mos, Sekretariu Jeral G7+ Helder da Costa haktuir, ho G7+ nia naran hakarak hato’o agradesimentu, G7+ nuudar organizasaun intergovermental neebe kompostu husi 20 pais, liu – liu apoiu politika inkonstitusional finanseiru husi PN, liu husi Prezidente Komisaun B.

“Vizita kortezia para atu fahe esperensia kona ba pontu situasaun no lalaok G7+ ninian iha nivel, no iha loron hirak tuir mai ami instituisaun G7+ nuudar intergovermental sei halo asinatura ho Ministeriu Negosiu Estranjeiru no Koperasaun (MNEK), ba tinan 5 hodi fasilita operasionalizasaun G7+ nian iha nivel global. Tanba TL sai hanesan pais uma nain, ita mak projeta G7+ nee tinan hira ona, i agora dadauk hetan rekonesimentu internasional iha ONU, nee ita sai hanesan ofisial observador, sira mos ba partisipa Reniaun Asembleia Jeral Nasaun Unidas iha Nova Yorke, hamutuk ho organizasaun intergovernamental sira seluk, nomos ho membrus 193 pais,” haktuir nia.

Nia tenik, partisipa iha neeba haree katak, TL iha trufu 2 ida, alende TL sai mos direitu iha Nasoens unidas, TL mos iha ninian organizasaun 2 iha nivel internasional ida mak CPLP no ida maka G7+, entaun organizsaun 2 nee sai mos hanesan plata forma ida para bele lobi TL nia interese iha nivel mundial.*

Reportajen: Natalina Lopes

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...