DILI, STLNEWS.co – Sekretariu Jeral Organizasaun G7+ ho Reitor Universidade Nasional Timor Leste (UNTL), hasoru malu ho Prezidente eleitu Jose Ramos Horta, hodi konvida atu loke abertura ba seminariu boot neebe sei realiza iha loron 23 fulan Maiu tinan 2022, tanba Timor Leste sai hanesan pioneriu ba nasaun frajil sira iha mundu.
“Ita hotu hatene diak Timor Leste sai pioneiru ba G7+ neebe mak reuni nasaun frajil sira iha mundu tomak,” dehan Reitor Universidade Nasional Timor Leste (UNTL), João Martins ba jornalista sira, hafoin remata sorumutu ho prezidente eleitu iha Gabinete Nobel Paz, Farol, Dili, Kuarta nee (11/05/2022).
Nia relata, iha nasaun lubuk ida mak sei hola parte atividade nee, liu husi atividade nee hakarak lori Timor nia esperiensia nee sai hanesan lisaun ida ba pais sira neebe hola parte iha G7+.
“Ohin ami husi UNTL hamutuk ho G7+ mai hatoo konvite ba Prezidente eleitu, neebe sei simu pose iha loron 19 fulan Maiu kalan, no iha loron 23 nee G7+ ho UNTL sei realiza seminar ida konaba, Two decade Peace Building and state building, Chalenge oportunity,” hatete nia.
Kontinua ba pajina 2
