Gabinete PA-RAEOA Distribui Fos Ba Estudantes Oe-Cusse Iha Dili

DILI— Iha Situasaun Surtu Corona Virus Desease 2019 (COVID-19), Gabinete Presidente Autoridade-Rejiaun Administrativa Espesial Oe-Cusse Ambenu (PA-RAEOA) iha inisiativa fo apoiu humanitariu ba estudantes Atoni Oe-Cusse oan iha Dili.

Xefe Gabinete PA-RAEOA Agustinho Caet hatete, ohin loron ekipa Gabinete PA-RAEOA ZEEMS kontinua distribui apoiu humanitariau ba estudantes Atoni-Oan sira iha Dili hamutuk ema nain-250 estudante ona. Husi apoiu nee atu estudantes sira iha Dili durante estadu emerjensia lafila ba Oe-Cusse infrenta menus aihan, apoiu ba sira para sustenta sira-nia moris atu labele afeita ba saude sira ida-idak nian.

Ami iha Dili ita apoiu ona fos ba atoni oe-cusse oan pur volta hamutuk ema nain-250 estudantes, neebe agora dadauk sira hela iha Dili, ami iha hotu dadus kompletu bazeia ba lista neebe sira hatama iha porta vos kada bairo iha Dili laran, ita bele hatene, hatete Xefe Gabinete RAEOA Agustinho Caet ba STL, iha Bidau Lecidere, Sabadu (16/05/2020).

Nia Hatete, Depois Gabinete PA-RAEOA fila-fali mai rona husi estudante sira halerik kona ba menus aihan, Gabinete PA-RAEOA tuur hamutuk koalia ho prezidente oinsa ita bele responde ba iha ba preokupasaun Estudantes sira nee, no dadaun estadu emerjensia liliu estudante sira labele fila ba Oecuse tanba transporte i sira fila ba Oecuse mos inan-aman sira labele sustenta tanba inan- aman sira mos la ba merkadu lori sira-nia produs para bele faan.

Hau hanoin autoridade RAEOA mak iha inisiativa no hamosu ida nee tanba fofoun kuandu ita iha Oe-cuse Ita vizita suku sira sempre simu deklarasaun husi suku sira katak, sira sei menus aihan tanba fulan nee udan ladun diak, fulan ida fali regras estadu emerjensia sira labele sai, entaun difikulta buka sira-nia moris, Hatete nia.

Entaun ho ida nee mak Gabinete PA-RAEOA dehan katak, presiza bele responde direitamente ita-nia estudante sira, atu sustenta sira-nia moris tanba sira laiha meius aihan, sira labele Konsentra sira-nia estudu. sira mak hanoin loron kalan atu han saida entaun estuda ladiak.

Ho hanoin ida nee mak ita foti desizaun katak tenke responde ba sira neebe mak la fila ba Oecuse, tenke atende sira para kontinua estudu. Mesmu sira estudu tuir prosesu online, maibe tenke iha meus ida para bele apoiu sira, dehan Nia.

Nia dehan, iha inisiu apoiu nesesidade bazika hanesan fos, dala ruma ho supermie, bimoli tanba ita hetan apoiu husi emprejariu sira, iha Oecuse hanesan iha Dili. Nunee iha semana kotuk nee emprejariu Kefi-Oel apoiu fos, supermie, ho bimoli.

Apoiu hahu iha semana kotuk, ami-nia denmitoriu iha Comoro pur volta 16 mil sakus husi neeba, foti distribui ona ba estudante balun 20, balun 30, no barak tebes. Neebe ami seidauk kalkula los tanba estudante sira nee balun hela, iha Asarama Ambenu, balun hela iha Tasi-Tolu, Balun Iha Bebonuk, Kampung-Baru, Manleu-ana no sel-seluk tan.

Husi apoiu hirak nee kuaze kobre ona estudantes hamutuk ema nain 250 ona mak hetan ona apoiu humanitarian. Depois fila fali ba iha governu sentral liliu iha sentru lojistika nasional, husu tan apoiu fos saku rihun ida, fahe kuaze atus rua lima nulu iha Dili laran, lori fila atus hitu lima nulu neebe distribui ba iha suku sira iha Oecuse.

Agora dadauk ita kontinua apoiu no ami tenta para pelus menus bele hetan fos, maske item seluk laiha maibe ita aguenta netik estudante sira. ami sei tenta nafatin maluk emprezariu sira balun hakarak apoiu, ohin hau kontaktu Sr. Damion ho Sr. Antonio Oqui sira mos prontu bele apoiu ita nia estudante sira,esplika Nia.

Nia haktuir, sira (Gabinete) la preve orsamentu foin atu hanoin, maibe hanoin ona antes nee , koalia ona ho prezidente para bele preve orsamentu, atu nunee bele fahe ba ema hotu tanba ida nee ita fahe deit ba Estudante sira no kbiit laek maibe kbiit laek sira Gabinete PA-RAEOA fahe iha Oe-Cusse. Tanba nee mak planu fali para preve orsamentu.

Ita Apoiu nee foin dadauk ita la preve orsamentu, sasan sira nee mai husi emprezariu sira nia apoiu, haktuir Nia.

Nia dehan, Apoiu sira nee, husi emprejariu Kefi Oel apoiu fos saku atus ida lima nulu (150), supermie mos hanesan 150 dos ho bimoli no emprezariu loja Vinte Um apoiu fos saku 20, ho supermie 20 dos depois bimoli mos hanesan, ho kompania nabilan apoiu masin midar saku ida ho kafe dos 1, masin moruk ho rinso.

Sira apoiu ba oecuse ita distribui tanba apoiu oecuse nee alende fos mos ita tau mos pakote ida hanesan plastik ense kafe, masin midar, susuben tanba apoiu ba feto faluk sira, dehan Nia

Ikus liu, Lia menon ba estudante sira, tanba ho situasaun ida nee kontinua mantein regras, tanba ita la hatene katak depois estadu emerjensia ida nee remata seidauk hatene katak sei estende, maibe la espera katak moras nee iha ka laiha, i bele kontinua estuda online ho diak mesmu ho situasaun nee maibe ita boot sira-nia susesu ho aprendizajen nee lao ho diak, para bele hetan susesu, informa Nia.

Reportajen : Blandina Mauno

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...