Gasta Biliaun $14 Iha Rezultadu

Bankada CNRT iha Uma Fukun Parlamentu Nasional (PN) kestiona bankada Fretilin neebe vota kontra programa AMP VIII no Orsamentu Jeral Estadu (OJE) 2018, 2019 ho 2020 iha Janeiru, ikus mai sai anju hodi viabiliza governu. (Dok: STL)

DILI, STLNEWS.co – Bankada opozisaun iha Parlamentu Nasional rezeita deklarasaun, neebe kondena governasaun partidu CNRT ho nia aliadu tomak iha pasadu gasta biliaun $14, maibe laiha rezultadu, ida nee hanesan deklarasaun la rekonese lideransa Xanana.

kestaun nee hatoo husi Xefe Bankada PD, Antonio da Conceicão, liu husi debate OJE 2020, iha Parlamentu Nasional, Dili, Sesta (02/10/2020). Nia dehan, oras nee povu sira iha area rurais maioria hetan ona naroman.

“Se ohin loron organizasaun barak maka para no kooperasaun dezenvolvimentu ekonomiku neebe ho relatoriu hodi hasai Timor Leste husi estadus frazis, nee hotu iha kustu politiku no hetan investimentu husi governu uluk nian halo ona atu metiga konflitus,” dehan nia.

Antonio esplika, haree ba pakote referendum neebe IV Governu halo ona, hodi loke obras haleu Timor mos hanesan instrumentu metigasaun politika hodi normaliza ambiente politika, hodi lori deslokadus afetadus, tanba krize politika Militar neebe maka akontese iha 2006.

Nia hatutan loron ohin Timor Leste hamriik nudar nasaun ida ho soberania total, buat hirak nee hotu mos iha ukun CNRT nian.

“Hanesan aleadu CNRT nian ami rekonese buat balun karik la diak, maibe ami mos la simu se bain hira governu sira hatete katak sira gasta osan arbiru no gasta biliaun $14 la iha folin,” nia hatete.*

Reportajen: Claudios de Jesus
Editora: Carme Ximenes

LEAVE A REPLY

Please enter your comment!
Please enter your name here