Gasta Millaun US$ 40 Sosa Jerador, Ahi Kontinua Mate

DILI, STLNEWS.co – Uluk governu gasta osan millaun US$ 40 hodi sosa jerador boot 4, atu fornese eletrisidade ho diak ba povu iha rai ida nee, maibe realidade ahi mate lakan kontinua akontese.

“Ita preokupa, tanba uluk governu hasai osan kuaze millaun US$ 40 hodi sosa jerador 4, maibe to’o agora jerador 4 nee tau hela iha nia fatin, tanba laiha funsaun, tan nee maka AMP kontinua to’o agora,” kestaun nee fo sai husi reprezentante povu iha uma fukun Parlamentu Nasional, Deputada Josefa Pereira liu husi sesaun Plenaria, Tersa nee (05/10/2021) iha PN.

Nia katak, jerador sira nee too agora la uza, nee hanesan halo esvazamentu osan estadu nian, tanba hasai osan boot hodi hola jerador sira nee, maibe rai fali halo rezerva no la uza iha situasaun difisli neebe ahi mate lakan.

Iha fatin hanesan, Vise Prezidente Parlamentu Nasional, Luis Roberto hatutan, problema Ahi mate lakan nee laos iha nasional deit maka hasoru, maibe iha area remotas sira mos hasoru, no aat liu tan mak, bainhira kompania dada tiha ahi ba suku sira nee, tan deit seidauk inagura, halo komunidade balun uza pulsa no balun seidauk.*

Reportajen: Madalena Horta/Domingas Soares

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...