GDMBR Husu Governu Hapara SS – KO

DILI, STLNEWS.co – Grupu Defisiensia Moris Buka Rasik (GDMBR) husu ba governu sebele hapara ona serka sanitaria (SS) no konfinamentu obrigatoriu (KO) para bele loke dalan povu bele moris. Koordenador Grupu Difisiensia Moris Buka Rasik (GDMBR), Federico Hornay informa ba STL liu husi telefone, Segunda (07/06/2021).

Nia dehan, husi Grupu Defisiensia Moris Buka Rasik, husu ba governu sebele tau matan hela ba povu, tanba tempu ida agora dadaun nee povu infrenta hela ekonomia no nesesidade lasufisiente ba sira.

“Hau hanoin governu hapara serka sanitaria no konfinamentu obrigatoriu neebe maka eziste hela iha ita nia rai doben Timor Leste, para povu bele buka moris hodi sustenta familia uma laran,” tenik nia.

Nia hatutan, maibe kona ba estadu emerjensia bele kontinua, nee laiha problema maibe kona ba serka sanitaria no konfinamentu bele redus ona no loke dalan para bele povu kiik sira halo movimentasaun no hodi moris lor- loron.

“Hau haree durante fulan tolu nia laran governu implementa serka sanitaria no konfinamentu obrigatoriu nee hanesan komunidade sira sulan animal iha luhan, maibe komunidade sira sulan animal nee sira sei fo han,” dehan nia.

Nia informa tan, maibe governu sulan tiha nia povu maibe laiha responsabilidade ba nia povu.

Iha parte seluk, komunidade Mario do Santos dehan, durante nee governu implementa serka sanitaria no konfinamentu obrigatoriu sira hakmatek iha uma deit, labele halo movimentu ba mai oinsa bele buka moris.

“Hau sente triste tanba governu sulan nia povu maibe la fo apoiu nesesidade ruma, nee duni husu ba governu bele loke dalan atu nunee ami bele buka moris, laos sulan hela deit ami,” tenik nia.

Nia haktuir Covid-19 laos Timor deit, mundu tomak mos preokupa, governu hakarak moras nee labele hadaet maibe haree ba povu nia halerik.*

Reportajen: Natalina Lopes
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: