Governu Dekreta Lutu Nasional Ba Saudozo Mauhuno Karathayano

DILI, STLNEWS.co – Konsellu Ministru (KM) liu husi reuniaun estraordinariu, aprova ona votus pezar no rezolusaun governu, hodi dekreta lutu nasional ba falesimentu Mauhuno Bulerek Karathayano.

Reuniaun Estraordinariu Konsellu Ministru neebe halo iha loron 24 Setembru 2021, aprova ona votus pezar no dekreta mos rezolusaun governu nian, konaba lutu nasional ba saudozo eis Komandante FALINTIL, José António Gomes da Costa neebe konesidu ho naran revolusionáriu Mauhuno Bulerek Karathayano.

Saudozo Mauhuno hakotu iis maizoumenus tuku 17:30 OTL, iha Hospital Nasional Guido Valadares (HNGV).

Iha prosesu luta ba ukun rasik an, saudozo asumi kargu Sekretáriu Komisaun Diretiva FRETILIN nian no atualmente Primeiru Vise Prezidente Partidu CNRT.

Lutu nasionál ba mate isin saudozo Mauhuno Bulerek Karathayano, Mauhuno sei halai iha teritóriu nasionál tomak ba períodu loron tolu, husi tuku 8:00 loron 25 fulan Setembru to’o tuku 07:59 loron 28 fulan Setembru. Durante periodu lutu nasionál, bandeira nasionál sei hasa’e to’o ai-riin klaran de’it (meia haste), iha nasaun laran tomak iha fatin sira ne’ebé mak obrigatóriu tenke uza, inklui iha misaun diplomátika sira.

Husi observasaun jornalista STL, mate isin saudozo Mauhuno Bulerek Karathayano, dadaun nee rai iha nia rezidensia Pantai Kelapa.*

Reportajen: Crisogono Mahalhães

Edito: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...