Governu Deside Implementa Swab Obrigatoriu Ba Populasaun Iha Territoriu Laran

DILI, STLNEWS.co – Konsellu Ministru (KM) aprova ona projetu Dekretu Governu nian ba alterasaun dahuluk ba Dekretu Governu N14/2021 loron 29 fulan Abril, kona ba medida sira ezekusaun deklarasaun Estadu Emerjénsia neebe efetua husi Dekretu Prezidente Repdblika N. 24/2021, loron 28 fulan-Abril.

Ministru Prezidensia Konsellu Ministru (MPKM), Fidelis Manuel Leite Magalhães hatete, governu deside halo alterasaun ba dekretu governu N N14/2021 loron 29 fulan Abril para bele halo teste masal ba populasaun sira iha territoriu laran

“Ho alterasaun ida nee bele fo autorizasaun ka kompetensia ba autoridade saude nia atu bele halo swab obrigatoriu ba populasaun sira neebe iha teritoriu laran,” dehan MPKM, Fidelis Manuel Leite Magalhães hafoin remata enkontru KM iha salaun auditorium Ministeriu Finansas Aitarak Laran, Kuarta (05/05/2021).

Fidelis dehan, sidadaun sira neebe mak lakoi koopera ho autoridade atu halo teste swab obrigatoriu sei sujeita ba iha kuarentena no sei selu rasik kustu kuarentena neebe mak iha.

“Wainhira sidadaun sira neebe rekuja lakoi koopera hodi halo teste swab nee, nia rasik sei selu kustu kuarentena nian, no desisaun administrativa neebe governu hasai nee la iha karakter ba implikasaun kriminal,” dehan nia.

Tanba nee alterasaun governu nia nee sidadaun hotu hotu nasional ka estranjeiru neebe hakarak tama iha territoriu nasional tenke hetan uluk pedidu autorizasaun husi governu hanesan wainhira sidadaun sira nee hakarak tama territoriu laran, SIJK tenki konfirma uluk katak sei iha fatin ba karantina no izolamentu sira, tanba wainhira autoriza ema tama barak iha teritoriu laran maibe la iha kondisaun para atu akomoda sidadaun hirak nee, tanba nee presiza haree didiak.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Numeru Infetadu Covid-19 Iha Prizaun Becora Sae Ba 221, Covalima 37

DILI, STLNEWS.co - Ministru Justisa (MJ) Manuel Carceres hateten, iha prizaun Becora dadaun nee numeru infetadu ba moras Covid-19 husi dadur no guarda prizaun...

Projetu Neebe Finaliza, Governu Tenke Halo Pagamentu

DILI, STLNEWS.co - Reprezentante povu iha uma fukun Parlamentu Nasional, (PN) husu ba governu atu halo pagamentu ba projetu 44 neebe kompania sira finaliza...

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...
%d bloggers like this: