Governu Desidi Kria Votasaun Paralelu

DILI, STLNEWS.co – Governu desidi kria votasaun paralelu bele fasilita estudantes no komunidade sira neebe hela iha Dili, tanba impkatu husi Covid-19 neebe seidauk remata iha mundu.

Xefe Suku Colmera, Armenio da Silva hatete, agora dadauk sira hanoin hela, atu bele aprosima estudantes sira no ema sira neebe maka aluga uma nee oinsa husu sira nia opiniaun, ba sira nia vontadade, bele hakat halo elisaun iha suku.

“Estudantes no populasaun sira neebe maka hela iha Dili bele hakbesik aan ba Suku sira neebe maka sira hela ba, para ami rejistu depois fo deklarasaun ba sira para sira bele ba halo elitoral, tanba alterasaun lei ida paralelu nee ba munisipiu Dili deit, Governu hanoin katak ho pandemia covid-19 ida nee, duke halo ema halai ba mai urus dokumentus sira, entaun diak liu governu hanoin oinsa bele atu fasilita ema sira nee para loron termina votasaun nee sira labele halai ba mai,” dehan Armenio ba STL iha nia knar fatin Colmera, Kinta (15/07/2021).

Nia hatutan, ema sira neebe maka hela iha Dili nee vota iha Dili deit lapresija halai ba mai hanesan tinan uluk sira, ho altersaun lei nee ida aprova tiha ona, falta deit halo aproxima ba estudantes sira no komunidade balun neebe hela provijoriu iha Dili nee, hodi fasilita sira hodi hakat ba suku neebe besik para foti deklarasaun hodi tuir votasaun.

“Ida nee obrigasaun tenki simu tanba lei nee iha ona, ami ba enkontru iha CNE nee katak, importante xefe suku no xef aldeia sira tenki ba atualiza dadus sira nee, nomos sira neebe permanente iha Dili,” katak nia.

Antes nee mos, Diretor Jeral STAE, Acilino Manuel Branco sei introdus Sentru votasaun paralele iha munisipiu Dili, atu fasilita sidadaun sira neebe uza kartaun munisipiu nian.

“STAE proposta alterasaun lei neebe mak introdus medida foun ida, atu bele fasilita diak liu tan, ita nia sidadaun sira atu bele iha pasa partisipasaun neebe maximu, maka introdus tan sentru votasaun paralele iha munisipiu Dili,” katak nia.

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: