Governu Enkoraja Populasaun Idade 16 Halo Resenseamentu Eleitoral

DILI, STLNEWS.co – Governu liu husi Ministeriu Administrasaun Estatal (MAE) enkoraja ba populasaun sira neebe idade 16, atu hakbesik an ba Sentru STAE, atu bele halo resenseamentu eleitoral no atualizasaun ba baze de dadus.

“Hau apela ba ita nia populasaun hotu, liu-liu ba sira neebe too ona idade 16 anus, para atu bele hakat ba Sentru STAE, hodi bele resensea sira nia an hanesan eleitoral ida, no mos ba sira neebe seidauk iha eleitoral, bele hakat ba resensea eleitoral para atu resensea sira,” dehan Ministru Administarasun Estatal (MAE), Miguel Pereira de Carvalho ba jornalista sira hafoin remata lansa ofisialmente Resenseamentu Eleitoral no Aktualizasaun baze de dadus iha Salaun Laline-Lariguto CNE Kinta (01/07/2021).

Governante nee haktuir, ba populasaun sira neebe hakarak atualiza sira nia kartaun eleitoral hanesan informasaun atu muda naran suku, postu ka munisipiu bele hakat ba iha Sentru resensea eleitoral, para depois bele troka sira nia kartaun eleitoral ka STAE atualiza sira nia dadus no ida nee importante teb-tebes.

Tanba iha Marsu tinan oin sei realiza eleisaun prezidensial, hanesan governu tenke garante sidadaun sira nia direitu para ba vota nee fo fatin liu husi enkoraja sidadaun eleitor sira para atu hakbesik sentru resenseamentu hodi hetan kartaun eleitoral no ba sira neebe presiza atualiza sira nia kartaun mos bele hakat ba sentru STAE.

Iha fatin hanesan Diretor Jeral STAE, Acilino Manuel Branco hatete, preparasaun ba resenseamentu kompletu tiha ona, tanba ita haree katak, desde tinan kotuk mos prosesu mos lao normal hela iha munisipiu sira, agora ita reforsa tan rekursu sira, hanesan material ekipamentus no mos pesoal sira para depois halo atendimentu maximu liu tan iha postu administrativu sira.

Tanba nee mak ho lansamentu ohin nian, hahu husi semana oin pelu menus iha nivel munisipiu no mos postu administrativu sei hahu halao atendimentu ba resenseamentu no mos atualizasaun baze de dadus, para sidadaun sira bele ba rejistu no atualiza sira nia kartaun para atu bele partisipa iha eleisaun 2022.

“Ita mos koordena ho ministeriu relevante iha tempu badak hanesan iha mos rai liur, tanba ita nia sidadaun sira nia direitu hanesan deit, tanba nee mak preparasaun lao hela, sei buat hotu lao diak, pelu menus iha fulan Agostu, ekipa sira sei halo desloka ba iha rai liur hanesan Australia, Inglatera, Portugal, Korea inklui sira seluk,” nia tenik.*

Reportajen: Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: