Governu Ensera Atividade Operasaun Helikoptru

DILI, STLNEWS.co – Governu ensera atividade operasaun helikoptru neebe mak ajuda husi governu Australia no kompania Santos ba governu Timor Leste, hodi utiliza ba apoiu emerjensia iha situasaun Kalamidade (dezastre naturais; inundasaun dadauk nee), no entrega emblema no sertifikadu ba pilotu no kru (crew).

Liu husi intrevista, Diretor Geral Protesaun Sivil, Superintendente Xefe Ismael Babo, reprezenta Sekretariu Estadu Protesaun Sivil hatete, operasaun aerea uza helikoptru neebe mak hetan apoiu husi governu Australia nomos kompania Santos, neebe mak fornese fundus atu governu Timor Leste bele aluga.

“Hodi reforsa ba protesaun sivil, iha situasaun kalamidade neebe mak akontese liu ba, operasaun nee durante fulan ida. Ohin hanesan loron ikus ona, aban helikoptru nee sei fila fali ba Australia,” dehan nia.

Nia hatutan, ho nunee mak parte governu halo serimonia simples ida, hanesan mos agradesementu ba pilotos, tanba sira reforsa ona sira nian halo operasaun durante fulan ida nia laran hodi apoio ba fatin hirak neebe mak labele asesu ho transporte terestre, no mos ba Oecusse tantu Atauro.

Diretor Geral Protesaun Sivil nee mos esplika, operasaun aerea helikoptru nee marka ona istoria ida ba Protesaun Sivil. Durante fulan ida nia laran esperensia barak mak parte protesaun sivil hetan, aleinde nee mos ministeriu balu, banku, no mos NGO sira hetan benefisiariu ba operasaun helikoptru nee.*

Reportajen: Claudius de Jesus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: