Governu Estende SerSan Ba Munisipiu Dili, Baucau, & Covalima Loron 14

DILI, STLNEWS.co – Governu liu husi Konsellu Ministru aprova ona projetu rezolusaun governu, hodi mantein imposizaun serka sanitaria (SerSan) ba munisipiu Dili, Baucau no Covalima durante loron sanulu resin hat (14) tan.

Aleinde nee, serka sanitaria neebe antes nee governu impoin ba munisipiu tolu nee sei remata iha loron (16/05/2021).

Ministru Prezidensia Konsellu Ministru (MPKM), Fidelis Leite Manuel Magalhães hatete, hafoin aprezentasaun husi koordenador Sentru Integradu ba Jestaun Krize (SIJK) sira, kona ba pontu situasaun epidemiolojika iha Timor Leste governu deside impoin nafatin imposizaun serka sanitaria ba munisipiu Dili, Baucau, no Covalima durante loron 14 tan.

“Konsellu Ministrus aprova ona projetu sira rezolusaun governu nian neebe mantein impozisaun serka sanitaria iha munisipiu sira Baucau, Covalima no Dili ba loron sanulu resin haat tan,” dehan Ministru Fidelis ba jornalista, hafoin remata enkontru Konsellu Ministru, iha salaun auditorium Ministeriu Finansa, Aitarak-Laran, Dili, Kuarta,(12/05/2021).

Nunee kontinua bandu sirkulasaun ema sira nian entre munisipiu Baucau, Covalima no Dili no sirkunskrisaun administrativa sira seluk, exetu iha kazu hirak neebe ninia fundamentu forte tanba razaun seguransa publika, saude publika, asistensia umanitaria, manutensaun husi sistema sira abastesimentu publiku, ka razaun seluk neebe presiza atu halao ba interese publiku nian.

Fidelis dehan, wainhira sidadaun sira neebe hakarak tama sai iha munisipiu tolu nee tenke submete nafatin ba regras neebe Ministeriu Saude hatur ona hanesan tenke submete ba teste swab.

“Maske ita aplika serka sanitaria bele tama mai munispiu tolu nee maibe tenke halo teste swab, hanesan iha munisipiu Dili nee iha sidadaun balun hakarak sai husi Dili tenki submete ba teste swab,” dehan Fidelis.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: