Governu Ezekuta OJE Fraku

DILI, STLNEWS.co – Governu ida nee ezekuta Orsamentu Jeral do Estadu (OJE) fraku tebes, no iha ministeriu balun foin ezekuta 15% inklui RAEOA, maibe realidade povu iha RAEOA halerik hela ba bee dalan, irigasaun no problema sira seluk.

“Ita preokupa tanba governasaun ida nee ninia ezekusaun OJE fraku tebes, no ezekuta diak nee foin atinje 60% no haree ba tinan ida nee besik remata ona, ministeriu sira la halao sira nia planu prioridade, maibe sira tuun hotu ba baze halo fali servisu seluk, abandona sira nia servisu ba hobur fali servisu Ministeriu Saude nian, oinsa ezekusaun atu lao diak,” kestaun nee fo sai husi Diretor Luta Hamutuk, Jose Alves ba STL Segunda nee (15/10/2021).

Nia afirma, governu halimar nasaun ida nee hanesan labarik nian, tan nee hotu – hotu husik hela sira nia servisu iha ministeriu laran, halai hotu ba halo kampana vasinasaun.

Iha parte seluk, reprezentante povu iha uma fukun Parlamentu Nasional, Deputadu Jose Paiseco hatutan, ezekusaun OJE iha ministeriu sira nee, balun lao diak tebes, no balun mak lao ladun diak, maibe agora foin tama ba fulan Outubru, fiar katak sira nia ezekutasaun sei lao diak.

“Hau hanoin ezekusaun tarde, dala ruma mos tanba situasaun Covid-19, tan nee ministeriu sira labele halao sira nia atividade ho diak, tanba ema hotu tauk moras ida nee, maibe fiar katak ezekutasaun la hotu bele fila ba kofre estadu,” dehan nia.*

(Mad)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...