DILI, STLNEWS.co – Governu tau osan iha banku atu fasilita setor privadu sira, maibe too agora osan tomak hela iha banku, tanba durante tinan 5 obra foun laiha.
“Liu husi Osamentu Jeral Estadu (EJE) kada tinan governu tau osan iha banku atu fo kreditu ba setor privadu ho funan neebe kiik, maibe too agora osan sira nee tomak hela iha banku, setor privadu la asesu ba kreditu, tanba projetu foun iha rai laran laiha, ita kreditu atu lori ba halo saida,” kestaun nee fo sai husi Emprezariu Timor oan Mateus da Costa ba STL Domingos (09/04/2023) liu husi telefone.
Nia katak, osan neebe governu tau iha banku atu fasilita setor privadu sira nee ho finan neebe kiik, i vantajen boot ba setor privadu sira tanba funan kiik, maibe ema hotu la ba kreditu, tanba setor publiku iha rai laran la lao kuaze tinan barak ona.
(mad)
