Governu Halo Diskriminasaun; Husik Sidadaun Estranjeiru Tama Timor

DILI, STLNEWS.co – Serka Sanitaria nia laran sidadaun estranjeiru tama Timor, ida nee governu halo diskriminasaun.

“Hau nia hanoin governu halo deskriminasaun entre sidadaun estranjeiru neebe tama mai servisu, no ita nia sidadaun rasik neebe servisu iha rai laran,” dehan Jurista Sergio Dias Quintas ba STL iha TDD, Segunda (22/03/2021).

Nia hatutan, Timor Leste kontekstu vida ekonomia frazil tebes, ita nasaun neebe kiak, konaba regra sanitaria ita labele halo regra reistresaun ida neebe maka rigorozu ba ita nia sidadaun, no halo sira atu asesu ba merkadu no hetan aihan defisil tebes. Tuir loloos nee, governu halo fiskalizasaun rigorozu laos ba Timor oan iha rai laran hodi bandu sira labele asesu ba vida ekonomia hodi sustenta sira nia vida, maibe limite estranjeiru tama mai rai laran, tanba moras nee importa husi rai liur laos mosu iha rai laran.

Esplika tan, uluk nee tuir loloos governu halo reistrisaun makas ba iha aero no terestre, maibe agora governu simu nafatin aviaun internasional mai timor, maibe sidadaun rasik atu desloka ba nia munisipiu governu la hatan sei presiza tan karta, tanba nee hanesan sidadaun no jurista lamentavel, ho politika governu nian nee.

Nia dehan, iha Timor ema barak moris ho vida agrikultura, tanba nee konaba movimentasaun tenke iha fleksibidadae atu sira bele livre buka moris, importante kumpre regra Ministeriu Saude.

Hanesan jurista konsidera, se governu loke dalan ba ema seluk tama, nee hanesan halo terus ba ita nia sosiedade.

Tuir observasaun STL katak, aviaun rua mak tama ona mai Timor, ida primeiru lori estudante Timor oan balu no professor Portugues sira, no segundu lori traballador Xina iha Timor.

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: