Governu Hamamar Konfinamentu Domisiliariu Jeral Munisipiu Dili

DILI, STLNEWS.co – Konsellu Ministru (KM) aprova ona projetu rezolusaun governu nian ba alterasaun dahuluk ba Rezolusaun Governu N45/2021, loron 29 fulan Abril neebe hamamar konfinamentu domisiliariu jeral ba populasaun munisipiu Dili, nunee loke dalan ba populasaun sira atu asesu apoiu husi govenu.

Ministru Prezidensia Konsellu Ministru (MPKM) katak, Fidelis Manuel Leite Magalhães afirma, alterasaun dahuluk ba rezolusaun governu nian hamamar konfinamentu domisiliariu ba munisipiu Dili para sidadaun sira bele asesu ba apoiu neebe governu sei fo ba sidadaun sira.

“Ho projetu rezolusaun governu ida nee, hahu permite sidadaun sira neebe rezidenta iha Dili, bele sai husi sira nia heIa fatin ka ninia fatin alojamentu, neebe inklui sentru akolimentu iha munisipiu Dili nian, hodi rekere prezensialmente asesu ba apoiu sosiu ekonomiku preve iha Lei n. 8/2021, loron 3 fulan Maiu,” dehan Fidelis ba jornalista, hafoin remata enkontru Konsellu Ministru, iha salaun auditorium Ministeriu Finansa, Aitarak Laran, Kuarta (05/05/2021).

Nia dehan, iha alterasaun governu nee wainhira sidadaun ida atu ba iha sira hanesan Instituto Nasional Seguransa Sosial (INSS) hodi trata dokumentu ruma, maibe wainhira polisia para sira iha estrada bele hatudu deit dokumentu komprovativu katak sira sei ba INSS hodi hetan trata dokumentu ruma para bele hetan apoiu ruma husi governu liu husi Ministeriu Solidaridade Sosial no Inkluzaun (MSSI).

Tanba OJE ratifikativu neebe Prezidente Republika promulga ona nee reflete mos medida apoiu oin oin neebe governu sei fo sidadaun sira, tanba nee mak presiza halo mamar medida neebe iha para sidadaun sira neebe sai benefisiarius hodi bele asesu ba apoiu hirak nee.

Antes nee, Konsellu Ministru aprova ho alterasaun projetu rezolusaun governu nian deside implementa hikas impozisaun konfinamentu domisiliariu jeral ba Munisipiu Dili neebe sei hahu iha tuku 00:00 Loron 30 fulan Abril tinan 2021 to tuku 23:59 loron 13 fulan Maiu tinan 2021.*

Reportajen: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: