Governu Hanaruk Serka Sanitaria Ba Baucau – Viqueque

Ministru Prezidensia Konselu Ministru (MPKM) Fidelis Leite Magalhães. (Foto: MPKM)

DILI, STLNEWS.co – Konsellu Ministru deside ona atu hanaruk ka mantein imposizaun serka sanitaria (SS) ba Munisipiu Baucau – Viquque durante loron hitu (7), nune sei remata iha oras 23:59, loron 17 fulan Abril 2021.

Serka sanitaria ba munisipiu Baucau – Viqueque antes nee iha loron hirak liu ba governu deside ona neebe sei remata iha oras 23:59 loron 10 fulan Abril 2021.

Tuir Ministru Prezidensia Konsellu Ministru, (MPKM) Fidelis Leite Magalhães katak, Konsellu Ministru deside ona atu mantein imposizaun serka sanitaria ba munisipiu Baucau – Viquque durante loron hitu (7) tan.

“Nunee kontinua bandu sirkulasaun ema nian, entre munisipiu sira seluk, exetu iha kazu sira neebe ho fundamentu forte tanba razaun sira hanesan seguransa publika, saude Publika, ka ba realizasaun interese publiku nian,” dehan Ministru Fidelis iha Palasiu Governu, Kinta(08/04/2021).

Enkuantu kona ba konfinamentu domisiliariu ba munisipiu rua nee, governu deside ona atu suspende provizoriu.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here