Governu Hapara SS Munisipiu Baucau, Dili Estende Tan

DILI, STLNEWS.co – Governu liu husi reuniaun Konsellu Ministru iha Palasiu Governu, deside ona hodi la estende tan serka sanitaria (SS) ba Munisipiu Baucau, no ba Dili estende durante loron hitu (7) tan.

Tuir Ministru Prezidensia Konsellu Ministru (MPKM), Fidelis Leite Magalhães katak, hafoin rona no halo analiza aprezentasaun husi Sentru Integradu Jestaun Krize (SIJK) kona ba situasaun epidemiolojika nasional, membru konselu deside la estende SS ba Munisipiu Baucau.

“Konsellu Ministru delibera no aprova projetu rezolusaun governu nian neebe mantein impozisaun serka sanitaria iha munisipiu Dili ba loron 7 tan, no ba Munisipiu Baucau Konsellu Ministru deside ona atu la renova impozisaun serka sanitaria,” dehan Ministru Fidelis hafoin remata enkontru Konsellu Ministru iha Palasiu Governu, Kuarta (07/07/2021).

Tuir nia, governu kontinua deside la renova serka sanitaria ba Munisipiu Baucau tanba numeru infetadu Covid-19 hahu tun ona, enkuantu iha munisipiu Dili Konsellu Ministru estende tan serka sanitaria, tanba dadaun nee numeru infetadu kontinua iha maske la sae makas.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: