Governu Hasoru Difikuldade Lori Fila Estudante Bolseiru Iha Israel Mai TL

Ministra Negosius Estranjeirus no Kooperasaun (MNEK), Adaljiza Magno. (Foto: MNEK)

DILI, STLNEWS.co – Ministra Negosius Estranjeirus no Kooperasaun (MNEK), Adaljiza Magno hateten Governu Timor Leste hasoru difikuldade boot atu lori fila estudante husi Israel, tanba nasaun refere dadaun nee lockdown total, nunee la autoriza aviaun tama iha nasaun refere.

“Estudante sira iha Israel nee ami tenta desde tinan kotuk, no ami husu ba Governu Israel para lori fila estudante sira nee, maibe sira dehan dadaun nee sira lockdown hela neebe presiza tan tempu hodi haruka estudante sira nee fila mai Timor,” dehanAdaljiza Magno iha Palasiu Governu, Tersa (02/03/2021).

Nia dehan, iha tinan kotuk governu Timor Leste foti ona desizaun hodi aluga aviaun para lori fila estudante sira nee, maibe nasaun refere la autoriza tanba sira lockdown total.

“Tinan kotuk ita rasik deside prepara avaiun atu lori fila estudante sira nee, maibe sira kontinua lockdown no aviaun labele tama, no iha fulan Janeiru-Fevereiru ita tenta nafatin maibe labele, no fulan Marsu nee ita tenta nafatin se sira autoriza ona, ita bele lori fila estudante sira nee,” dehan nia.

Reportajen: Ekipa STL

LEAVE A REPLY

Please enter your comment!
Please enter your name here