Governu Husu PR Dekreta EE Ba 16

DILI, STLNEWS.co – Governu liu husi Konsellu Ministru deside husu ou delibera ba Prezidente Republika (PR), Fransisco Guterres Lú Olo hodi dekreta tan Estadu Emerjensia ba da-16.

Tuir Ministru Prezidensia Konselu Ministru (MPKM), Fidelis Leite Magalhaes katak, hafoin memburu KM halo analiza kona ba pontu situasaun epidemiolojika neebe mak aprezenta husi sala situasaun sentru Integradu Jestaun Crize (SIJK), mak governu husu Prezidenti Republika deklara tan EE ba loron 30 tan.

“Konsellu Ministrus delibera atu propoin ba Prezidente Republika, Francisco Guterres Lú Olo, ba renovasaun estadu emerjensia, ba loron tolu nulu (30) tan,” dehan MPKM, Fidelis ba Jornalista, hafoin remata reuniaun KM, iha Palasiu Governu, Kuarta (21/07/2021).

Tuir governante nee governu delibera ba Prezidenti Republika atu deklara tan EE ba loron 30 tan, tanba haree katak mantein kauza determinante sira neebe justifika ho deklarasaun estadu emerjensia no ninia renovasaun sira no atu bele evita no neutraliza risku propagasaun sira husi SARS-CoV-2.

Nunee bele proteje saude publika no kapasidade resposta husi Sistema Nasionál Saude nian, ho renovasaun estadu emerjensia nian, permite suspensaun ka restrisaun ba direitu no garantia fundamental balun.

Tanba nee hafoin desizaun nee konselu ministru nee, tuir dalan legal nia governu sei haruka karta ba Prezidenti Republika nunee bele konvoka reuniaun Konsellu Estadu nian no Konsellu Seguransa no Defeza, hafoin nee sei haruka fali ba iha Parlamentu Nasional hodi halo deskusaun.

Wainhira pedidu Prezidenti nia kona ba pedidu Estadu Emerjensia wainhira aprova ona iha Parlamentu Nasional, mak governu liu husi reuniaun Konsellu Ministru sei halo diskusaun sira, kona ba medida sira neebe atu implementa iha Estadu Emerjensia nee.
Aleinde Estadu Emerjensia ba dala 15, neebe antes nee aprova ona iha Parlamentu Nasional sei remata iha loron 31 Jullu tinan 2021.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: