Governu Iha Kbiit Limitadu Halo Dezenvolvimentu

DILI, STLNEWS.co – Ho surtu Covid-19 neebe espalla iha mundu inklui Timor Leste, halo governu kbiit limitadu atu halao dezenvolvimentu iha rai laran. Kestaun nee hatoo husi fundador Rede Observasaun Eleições Nasional Timor Leste (RONETIL), Laurentino Alves.

“Tuir RONETIL nia observasaun iha kontekstu dezenvolvimentu nasional, atual governu nia kbiit limitadu tebes tanba Timor-Leste infrenta situasaun ida neebe mundu hotu hasoru, halo prevensaun no kombate virus Covid-19,” hatete Laurentino ba STL, Sesta (14/05/2021).

Fundador RONETIL nee dehan, situasaun hotu defikulta governu nia espasu hodi halo servisu importante sira ligadu ho dezenvolvimentu fiziku hanesan estrada, ponte, edifisiu eskola, klinika ba komunidade, no bee mos ba povu mos limitadu tebes.

“Iha tempu hanesan mos governu infrenta situasaun kalamidade dezastre naturais husi inundasaun iha teritoriu Timor-Leste laran tomak, nee dezafiu boot ba governu hodi alkansa objetivu ba konstrusaun estadu iha kontekstu dezenvolvimentu sustentavel,” katak nia.

Nunee mos konaba meius neebe diak hodi kombate transmisaun virus Sars-Cov-2, nee hakarak ka lakohi sidadaun hotu-hotu tenke obedese ba politika neebe governu foti hodi hamihis transmisaun virus Znee.

Estadu emerjensia (EE), serka sanitaria (SS) no konfinamentu obrigatoriu hanesan parte importante ida husi politika governu hodi hamenus no prevene transmisaun virus nee iha komunidade sira Nia leet.

“Maneira prinsipal mak ita tenke kumpre regras no politika prevensaun virus refere, ho razaun tamba Timor-Leste laiha fasilidade modernu neebe sufisiente hodi halo tratamentu ba pasiente grave virus Sars-Cov-2 bainhira infetadu ona hanesan moras Covid-19.” katak nia.

Nunee mos iha parte ketak, Jurista Avelino Coelho hatutan koalia kona ba dezenvolvimentu neebe mak governu halo, diak liu Parlamentu Nasional neebe mak reprezenta povu mak bele koalia.

“Kona ba governu nia programa, hau ema opozisaun labele halo avaliasaun. Ami nia partidu la liu barreira, maibe partidu la mate, iha nafatin obrigasaun no direitu atu koalia kona ba situasaun povu nian. Kontudu, liga ba ho komentariu ba governu nia programa, hau hanoin diak liu Parlamentu Nasional maka halo avalisasaun,” katak nia.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: