Governu Implementa Serka Sanitaria Diak

Akademista UNTL, Felisberto de Carvalho. (Foto: STL/Natalina Lopes)

DILI, STLNEWS.co – Governu implementa serka sanitaria iha Munisipiu Dili diak, atu nunee bele prevene transmisaun lokal.

Lia hirak nee hatoo husi akademista UNTL, Felisberto de Carvalho ba STL, liu husi telefone, Sesta (12/03/2021).

“Governu implementa ona serka sanitaria iha Munisipiu Dili diak, ho objetivu atu prevene transmisaun lokal. Komunidade sira labele halo movimentu ba mai, uza maskra no mantein distansia sosial tuir protokolu Ministeriu Saude (MS) no OMS,” dehan Felisberto.

Nia dehan, sansaun ba ema sira neebe viola regra EE. Iha merkadu mantein halo atividade ekonomia, vendedores mantein faan sasan liuliu nesesidade bazika, maibe tenke prepara hand sanitizer iha loja oin no evita ema barak labele tama iha loja laran.

“Serka sanitaria objetivu atu hapara movimento ema nian, para ita labele iha transmisaun lokal, sidadaun hotu tenki kumpri no obdese ba regras neebe vigor,” katak nia.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here