Governu Kontinua Debe Kompania

DILI, STLNEWS.co – To’o agora governu sei debe hela fatin karantina, nomos kompania fornesedor hahan ba karantina sira iha Maubisse, kompania nain sira kestiona, tanba hahu kedas iha fulan Abril tinan 2021 to’o agora, governu seidauk selu.

“Hanesan Timoroan ita preokupa, tanba govenru aluga ema nia fatin hodi tau karantina, nomos kompania fornesedor hahan ba fatin karantina sira, nee mos ameasa atu taka, tanba to’o agora seidauk hetan pagamentu husi governu, no fatin balu sira nia restorante taka, tanba governu la selu i kontinua debe, ida nee fo ameasa boot ba moris povu kiik sira,” kestaun nee fo sai husi reprezentante povu iha uma fukun Parlamentu Nasional, Deputada Virgina Ana Belo liu husi sesaun Plenaria Segunda nee (04/10/2021) iha PN.

Deputada nee mos husu ba governu atu selu dadaun ona kompania sira nee, tanba orsamentu aprova ona husi PN no labele debe hela deit kompania sira nee, hodi hamate sira nia atividade, tanba povu presiza han hemu, tan nee husu governu iha osan ona karik tenke selu dadaun ona kompania sira nee, tanba debe to’o restorante balun tenke taka hodi hein pagamentu husi governu.

Hatan ba preokupasaun nee, Ministru Asuntu Parlamentar e Komunikasaun Sosial (MAPKOMS) Francisco Jeronimo  hatete, konaba governu sei debe kompania fornesedor aihan ba fatin karantina, nomos ema nia fatin, govenru aluga hodi sai fatin karantina nee, nia sei hato’o ba iha ministeriu relevante hodi buka solusaun, oinsa bele selu, maibe fiar katak sedu ou tarde governu sei selu.*

Repprtajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...