Governu Laestende Estadu Kalamidade

DILI, STLNEWS.co – Ministru Prezidensia Konsellu Ministru (MPKM), Fidelis Manuel Leite Magalhães hatete, estadu kalamidade neebe antes nee governu estende hela, dadaun sei laiha tan ona extensaun.

Nia dehan, Estadu Kalamidade purtantu nia mos presiza estensaun, mais komu laiha estensaun katak nia la estende, nee hanesan mekanizmu ida neebe mak Governu uza para atu fasilita servisu sira bele iha kobertura protesaun iha abrigu legal sira ba atuasaun fornese resposta servisu sira ba sidadaun iha kondisaun kontextu kalamidade.

“Tanba nee mak ita presiza halo deklarasaun buat neebe mak ita halo iha tempu neeba, kuandu laiha estensaun kerdizer ke nia pedidu estensaun laiha katak nia la estende,” dehan Ministru Fidelis, remata reuniaun Konsellu Ministru iha Palasiu Governu, Kuarta (21/07/2021).

Nia hatete, Iha buat balun mak tuir lei nee presiza halo estensaun ka presiza halo deklarasaun ruma katak sei kontinua ka la kontinua, mais buat hirak neebe kuandu aprova ho ninia termu validade nee liu ona nia la extende ona.

Antes nee Governu liu husi Konsellu Ministru liu husi reuniaun Estraordinariu deside hodi halo desizaun ba situasaun Kalamidade iha Munispiu Dili ba fulan rua tan, liga ba akontesimentu neebe mosu iha fulan kotuk.

Governu aprova ona projetu Rezolusaun Governu nian neebe prosede renovasaun ba deklarasaun estadu kalamidade, ba loron 60 tan, haree ba akontesimentu bee-sae no inundasaun iha Munisipiu Dili, iha dadeer rai-hun mutin loron 4 fulan Abríl tinan 2021, neebe provoka husi siklone tropikal Seroja.

Governante nee hatutan katak, ida nee importante atu bele fo lliu flexibilidade dalan ba atuasdaun sira Governu nian hodi responde ba situasaun hirak neebe mosu tanba inundasaun iha fulan Abril nia laran.*

Reportajen: Efizenia/Alberto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: